Врз основа на член 163 од Законот за високото образование (Сл. Весник 82 од 08.05.2018 година), член 20 и 53 од Правилникот за посебните услови и постапката за избор во наставно-научни, научни, наставно-стручни и соработнички звања и демонстратори на Универзитетот „Св. Кирил и Методиј“ во Скопје, Одлуката бр. 02-2423/1 од 26.09.2109 година за воспоставување на критериуми за избор на демонстратори и Статутот на Факултетот за информатички науки и компјутерско инженерство Скопје во состав на Универзитет „Св. Кирил и Методиј“, се распишува следниов

ИНТЕРЕН КОНКУРС

За избор на демонстратори и демонстратори од индустрија за академската 2023/2024 година

Факултетот за информатички науки и компјутерско инженерство Скопје во состав на Универзитет „Св. Кирил и Методиј“ Скопје распишува конкурс за избор на единаесет демонстратори за учебната 2023/24 година.

Критериуми за избор

За да биде избран демонстраторот треба да ги исполнува минималните критериуми предвидени во Законот за високото образование, Правилникот  за посебните услови и постапката за избор во наставно-научни, научни, наставно-стручни и соработнички звања и демонстратори на Универзитетот „Св. Кирил и Методиј“ во Скопје  и Посебните критериуми за избор на демонстратори во учебната 2024/25 година донесени од Наставно научниот совет на Факултетот за информатички науки и компјутерско инженерство и тоа:

1. Демонстратор може да биде лице кое е студент на втор или трет циклус студии од соодветна област (Области од  наставно научните подрачја  110 ОЕЦД - информатика  и/или 212 ОЕЦД компјутерска техника и информатика)
2. За демонстратор може да биде избран студент кој ги има завршено студиите од прв циклус студии по ЕКТС со освоено 240 ЕКТС кредити на соодветна студиска програма од областа (области од наставно научните подрачја  110 ОЕЦД - информатика  и/или 212 ОЕЦД компјутерска техника и информатика) со просечна оценка од најмалку 8,0

Како критериум за избор се земат:

• учество од 47,5% на просекот на завршени додипломски студии
• учество од 47,5% на просекот од задолжителните предмети на студиската програма на која студирал кандидатот на додипломските студии
• 5 % од интервју (оценка на афинитети од областите кои ги покрива)

• Предност имаат кандидатите кои завршиле студии на повисоко рангирани универзитети. (се пресметува тежински фактор односно коефициент според рангот на универзитетот)
• Предност имаат кандидатите кои се внесени во базата за можни демонстратори на Факултетот.

Обем, надоместок и траење на ангажманот

Демонстраторите согласно потребата ќе бидат ангажирани за дежурање и одржување на  аудиториски и лабораториски вежби со максимално оптоварување од 12 часа аудиториски вежби односно 8 аудиториски + 8 лабораториски вежби. (сооднос аудиториски/лабораториски е 1/2). Освен наведеното, сите демонстратори имаат обврска да учествуваат и на други активности (дежурање на испити, промотивни активности и сл.).

Демонстраторите од индустрија согласно потребата ќе бидат ангажирани за одржување на аудиториски и лабораториски вежби и организација на колоквиуми и испити, согласно потребите на факултетот.

За целосен максимален ангажман на демонстраторот му следува надоместок во максимален износ од 36.000,00 денари нето месечно.

Работното време е 40 работни часа во текот на неделата согласно распоред на настава и други дополнителни работни задачи. За демонстратори од индустријата, работното време ќе се утврди согласно нивниот ангажман.

Демонстраторите се избираат до завршетокот на учебната 2023/24 година. 

Кандидатите треба да достават:

• Пријава за позицијата за која аплицираат (демонстратор или демонстратор од индустрија)
• Краткa биографија (CV) со контакт телефон и eмаил адреса
• Доказ дека е студент на втор или трет циклус студии на соодветна студиска програма или дека е во процес на конкурирање за запишување на втор или трет циклус студии.
• Доказ дека има завршено прв циклус студии по ЕКТС со освоено 240 ЕКТС кредити со просек од мин. 8,0.
• Уверение за положени испити од прв циклус студии
• Потврда за познавање на македонски јазик доколку студиите ги има завршено на друг јазик

Кандидатите се пријавуваат во архивата на ФИНКИ најдоцна до 24.10.2023 до 12:00.

Почитувани студенти,

На следниот линк е прелиминарната листа на примени/одбиени кандидати на првиот уписен рок од конкурсот за докторски студии на насоката Информатика.

* Уписот на кандидатите ќе се врши после добивање на конечно решение за почеток на работа

Почитувани студенти,

На следниот линк се термините за поднесување на документи за упис на семестар.

Се замолуваат студентите да не чекаат за носење на документација во последниот ден бидејќи се создава многу гужва и нема да може сите да бидат услужени.

Заверката на летниот и уписот на зимскиот семестар во учебната 2023/2024 година за студентите од II циклус на студии ќе се врши од 26.10.2023 до 01.11.2023 година од 09:00 до 12:00 ч на шалтерот на Студентската служба на ФИНКИ во зградата на ТМФ.

Потребни документи за запишување на зимскиот семетар:

1. Индекс
2. Образец за заверување на семестар
3. Образец за запишување семестар (доставуваат сите студенти кои сеуште не магистрирале,односно се запишува празен семестар)
4. Интерен пријавен лист (само за студентите кои запишуваат предмети)
5. Уплатница за следната рата од школарината, согласно договорот за студирање

За студенти кои преслушуваат предмет дополнително се потребни:

Уплатница (во вредност на кредитите што ги носат предметите кои се преслушуваат според студиската програма)
цена на чинење на 1 кредит = 1/60 од вредноста на студиската програма за едногодишните, односно 1/120 за двогодишните студиски програми.
Уплатата се врши во денарска противвредност според средниот курс на НБРМ на денот на уплатата
 

Почитувани кандидати, ве известуваме дека запишувањето на рангираните кандидати според решението за прием и  во третиот уписен рок ќе се изврши на 29.09.2023 на шалтер во студентска служба од 9:00 до 12:00 часот.

Им пожелуваме успех на сите идни студенти на ФИНКИ!

ПОТРЕБНА ДОКУМЕНТАЦИЈА ПРИ ЗАПИШУВАЊЕ НА НОВИ СТУДЕНТИ ВО УЧЕБНАТА 2023/2024
1. Изјава за доставени документи
2. Образец за запишување на семестар (со залепена слика), пополнет и потпишан (се купува од книжара)
    2.1.    Листа на предмети според насоки кои се пополнуваат во образецот.
3. Пријавен лист од Државен завод за статистика на РМ (образец ВОИ. 20) (се купува од книжара)
4.а. Кандидатите примени во државна квота поднесуваат потврда за уплата на прва рата од 100 евра во денарска противвредност по среден курс на НБ на Република Северна Македонија (пример уплатница)
    4.а.1.    Договор за студирање во државна квота во два примероци
4.б. Кандидатите во квота со кофинансирање поднесуваат потврда за уплата на прва рата од 200 евра во денарска противвредност по среден курс на НБ на Република Северна Македонија (пример уплатница), како и
    4.б.1.    Изјава за согласност за поднесување на трошоците на студирање
    4.б.2.    Договор за студирање во квота со кофинансирање во два примероци
4.в. Кандидатите примени на Стручни студии за програмирање поднесуваат потврда за уплата на прва рата од 300 евра во денарска противвредност по среден курс на НБ на Република Северна Македонија (пример уплатница), како и
     4.в.1.    Изјава за согласност за поднесување на трошоците на студирање
     4.в.2.    Договор за студирање на ССП во два примероци
5. Потврда за уплата на 750,00 денари на сметката на ФИНКИ за административно материјални трошоци и осигурување. (пример уплатница)
6. Потврда за уплатени 750,00 денари - за информативни, информатички, културни и спортски активности на студентите на Универзитетот  “Св. Кирил и Методиј” во Скопје, со назнака Одлука на УКИМ за ИКСА, ФИНКИ, (пример уплатница).
7. Студенти кои сакаат да дадат пристап на трето лице за увид на личните документи и пристап до документите од студентското досие, потребно е да пополнат и поднесат Изјава за пристап до информации и документи од трети лица на ФИНКИ
8. Индекс (со залепена слика) и студентска легитимација (со залепена слика), пополнети без број на индекс (се купува од книжара)

Кандидатите кои нема да се запишат или се откажуваат од запишувањето на Факултетот за информатички науки и компјутерско инженерство во учебната 2023/2024, поднесените документи можат да ги повлечат до 06.10.2023 (09:00 - 12:00 часот). При тоа, потребно е да се потпише изјава за подигнување на документите во 2 примероци.