Д-р Игор Трајковски дипломирал на Природно-математичкиот факултет при Универзитетот Св. Кирил и Методиј – Скопје, на Институтот за информатика во 2001г. со висока просечна оценка (9.53). Во 2003 се запишува на магистерски студии на универзитетот во Сарланд, Германија (University of Saarland & Max Planck Institute for Informatics, Saarbrucken, Germany) и во октомври 2004г. се стекнува со титулата Магистер на науки во областа компјутерски науки. Своите студии и научно-истражувачка работа ги продолжува на Институтот Јожеф Штефан во Љубљана, Словенија (Jozef Stefan Institute, Ljubljana, Slovenia) во Одделот за Технологии на знаење, односно на Меѓународната постдипломска школа при истата институција, каде на 14. декември 2007 успешно одбранува докторска теза и се стекнува со академската титула доктор на науки.

Во континуитет од 2001г. па до денес, Д-р Трајковски е професионално ангажиран и тоа на Институт за информатика во Скопје како демонстратор (1999-2001), како научно-истражувачки асистент на Универзитетот во Штутгард, Германија (02/2002 - 09/2003), како специјалист во развој на софтвер во Т-mobile, Скопје (10/2004 - 09/2005), како истражувачки асистент во Институтот Јожеф Штефан, Љубљана (10/2005 - 12/2007), Софтверски инженер во Гугл (05/2007 – 09/2007 и 05/2008 – 09/2008), доцент на Њујорк Универзитетот во Скопје (02/2008 – 11/2009) и доцент на Факултетот за електротехника и информациски технологии (02/2010 - 09/2011). Исто така е креатор и основач на најголемиот македонски агрегаторот за вести Time.mk (07/2008 - денес).

Учесник е на повеќе национални и меѓународни натпревари и олимпијади по програмирање со пласман на светското студентско финале (World final ACM programming contest, Orlando, USA, 2000) и освоени медали (Bronze medal, Balkan Olympiad in Informatics, Cyprus, 1996). Добитник е на стипендии за студии, за талентиари студенти како и награда за најдобар студент на Институтот за Информатика, ПМФ-Скопје.

Научно истражувачката работа на д-р Игор Трајковски е во областите на машинско учење, биоинформатика, анализа на генетски податоци, паралелни алгоритми, пребарување на информации и статистичка обработка на природни јазици. Неговата докторска теза, како и магистерската е од областа на биоинформатика, а резултатите му се објавени во повеќе научни трудови објавени на значајни меѓународни конференции и во научни списанија.

Роден е во 1971 година во Скопје. Во периодот од 1989-1994 год. го завршил Електротехничкиот факултет - Скопје, при Универзитетот “Св. Кирил и Методиј”, на насоката Компјутерска техника, Информатика и Автоматика (КТИА). По дипломирањето, во 1995 година се запишал на постдипломските студии на истиот факултет, при што истите ги завршил во 1998 год и се здобил со називот Магистер по електротехника. Докторирал во 2015 год. на Факултетот за информатички науки и компјутерско инженерство – Скопје, на тема од областа на образование на далечина.

Во текот на својот професионален развој се стекнал со бројни меѓународни сертификати од областа компјутерската техника и информатика од познати светски компании, како што се Cisco и Microsoft, од кои поважни се: Cisco Certified Internetwork Expert, Cisco Certified Networking Professional Security, Cisco Certified Networking Professional Voice, Microsoft Certified Systems Engineer, Microsoft Certified IT Professional: Enterprise Administrator, IPv6 Forum Certified Network Engineer (Gold) и тн.

Во периодот од 1994 до 1999 год. работи во А1 Телевизија во Скопје, како систем инженер, a во 1999 год. се вработува во Народна банка на Република Македонија, каде напредува до самостоен советник во Дирекцијата за информациска технологија. Неговите работни задачи опфаќаат развој и инсталација на комплексни информатички и комуникациски системи, управување со инфраструктурни проекти, како и спроведување на стратегијата на Дирекцијата и стандардите за квалитет во работа. Дополнително, од 2004 год. работи хонорарно како сертифициран предавач за Cisco курсеви во повеќе области, а воедно е и Microsoft сертифициран тренер. Автор и коавтор е на повеќе трудови објавени во меѓународни журнали од областа на информатиката и информатичките технологии и учествувал на повеќе национални и меѓународни конференции.

Родена е во Скопје каде што дипломирала во 1992 година на Факултетот за електротехника и информатички технологии (ФЕИТ) при Универзитетот Св. Кирил и Методиј, во областа на софтвер кој обезбедува достапност во дистрибуирана околина, на насоката информатика и автоматика. Магистрирала во 2006 година на истиот факултет во областа на системско инженерство на темата примена на фази невронски систем во банкарско ликвидносно планирање. Докторирала во 2011 година на Факултетот за современи науки и технологии на Универзитетот на Југоисточна Европа во Тетово во областа на компјутерски науки, подобласт вештачка интелигенција, на темата модели на свест и примена на фази логички гранулати за атрибути на агентите.

Вработена е во Народната банка на РМ како внатрешен ИТ ревизор, а нејзините активности опфаќаат ревизија базирана на ризици на процеси и функции од областа на информатичката технологија, консултативни активности за имплементација на нови технологии од областа на информациските системи и следење на најнови трендови и најдобри практики. Работела како самостоен програмер и проектант во дирекцијата за информатичка технологија во Народната банка, а како најзначајни проекти од тој период, на кои директно учествувала во проектирање и развој се информатичкиот систем Кредитниот регистар на Народната банка и електронската платформа за аукцирање на благајнички записи и државни хартии од вредност. Посетила повеќе обуки и семинари во централните банки на Холандија, Германија и Италија.

Претходно работела на изработка на индустриски софтвер за следење и автоматизација на процеси. Најзначајни проекти и апликации во овој период се изработката на протоколи за комуникација со програмабилни уреди PLC OMRON, информатички систем за следење на процесот на транспорт на пченица во силоси и регистрирање на електрични вредности во диспечерски центар за електрична енергија. 

Денес е ангажирана како насловен доцент на додипломски и постдипломски студии на предмети од областа на компјутерските науки и информатиката. 
Нејзина специјалност и најголем интерес на работа се модели на свест презентирани преку хибридни интелигентни системи и методологии/системи за процена на ризици.

Член е на Техничкиот комитет за информациска комуникациска технологија при Институтот за стандардизација на РМ (ИСРМ-ТК34), поседува меѓународен сертификат за информациска сигурност ISO 27001 Lead Auditor. Членува во: Здружението на внатрешни ревизори во Македонија (ЗВРМ), Асоцијацијата за внатрешна ревизија и контрола на информациските системи (ISACA) и Меѓународниот институт на внатрешни ревизори (IIA-Флорида).
Нејзина специјалност и најголем интерес на работа се модели на свест презентирани преку хибридни интелигентни системи и методологии/системи за процена на ризици.