Согласно Конкурсот за запишување студенти на трет циклус студии на студиските програми на Универзитетот „Св. Кирил и Методиј“ во Скопје, во учебната 2022/23 година, Факултетот за информатички науки и компјутерско инженерство во наредната учебна година во прв уписен рок ќе запише вкупно 128 студенти на докторски студии.

 

За студентите кои во учебната 2022/2023 година ќе се запишат на докторски студии на ФИНКИ, постојат вкупно 2 (две) студиски програми. Бројот на студенти кои ќе можат да се запишат на ФИНКИ на секоја од студиските програми, е даден во продолжение.

 

Студиска програма	Број на студенти	Износ на школарина*(ЕУР)
Информатика	64	4750
Компјутерски науки и инженерство	64	4750

 

* Во износот на школарината сe вклучени трошоците за: организирање на наставата, работилници и семинари, менторот, комисиите и единиците-организатори на истражувањето, а не се вклучени материјалните трошоци за истражувањето на темата.

Потребни документи

Пријавувањето на кандидатите се врши електронски, со испраќање на електронска пошта (e-mail) на двете електронски адреси:

- електронска адреса на Универзитетската школа за докторски студии: skola_za_ds@ukim.edu.mk
- електронска адреса на факултетот/институтот каде што припаѓа студиската програма: iii-finki@ukim.edu.mk

Во предмет  (subject)  на  електронската  пошта,  кандидатите  ja  наведуваат студиската програма за која поднесуваат документи. Кандидатот  кој  се  пријавува  на  Конкурсот,  ги  поднесува  следните  документи  во скенирана форма на двете електронски адреси: 

• пријавен лист со назначување на избраната студиска програма за која конкурира;
• писмо  за  мотивација  со  назначување  на  областа  на  истражување  и  првична согласност на ментор од листата на ментори;
• кратка биографија;
• докази со кои се докажува исполнетоста на условите за запишување,и тоа:

- уверение за положени испити од прв циклус студии односно од додипломски студии

- уверение за положени испити од втор циклус студии односно од постдипломски студии

- диплома од прв циклус студии односно од додипломски студии

- диплома  од втор циклус студии односно од постдипломски студии

- сертификат/ уверение за познавање на светски јазик

- кандидатите  кои  своето  високо  образование,  додипломски  студии  (прв  циклус)  и постдипломски  студии  (втор  циклус),  го  завршиле  во  странство,  доставуваат нострифицирани документи, со кои се докажува исполнетоста на условите за запишување на трет циклус – докторски студии, како и еквиваленција на оценките доколку системот на оценување е различен од Р.С.Македонија.

Кандидатите задолжително ќе добијат автоматска потврда дека електронската пошта е примена (пријавувањето е во периодот од 19.09.2022 - 07.10.2022).

 

Услови

Во согласност со Конкурсот за запишување студенти на трет циклус студии на студиските програми на Универзитетот „Св. Кирил и Методиј“ во Скопје, во учебната 2022/23 година, право за запишување на докторски студии имаат лица кои завршиле соодветни студиски програми и кои ги исполнуваат следниве основни услови и критериуми:

•  завршен II циклус на студии усогласени со европскиот кредит- трансфер систем (во натамошниот текст: ЕКТС- кредити );
•  завршени постдипломски студии на студиските програми пред воведувањето на европскиот кредит-трансфер систем;
•  стекната стручна подготовка според студиски програми за регулирани професии, со остварени најмалку 300 ЕКТС-кредити;
•  просечен успех од најмалку 8,00 (осум) на прв циклус студии и најмалку 8,00 (осум) на втор циклус студии, односно најмалу 8,00 (осум) за интегрирани студии;
•  познавање на најмалку еден од трите најчесто користени јазици на Европската Унија (англиски, француски, германски), што се докажува со уверение или сертификат издаден од Филолошкиот факултет „Блаже Конески” при Универзитетот „Св. Кирил и Методиј“ во Скопје, за ниво Б2 според Европската јазична рамка на Сoветот на Европа, или со соодветен сертификат за истото ниво издаден од официјален европски тестатор, член на здружението АЛТЕ на европски тестатори.