Languages

  • Пракса во Космик Девелопмент >
05/09/2013

Kомпанијата Космик Девелопмент објавува отворен конкурс за прием на студенти за PHP програмерски пракси и ги поканува сите заинтересирани кандидати кои одговараат на бараните квалификации да аплицираат. Повеќе информации за конкурсот се дадени во продолжение.

Компанијата Космик Девелопмент е компанија која што ги нуди сите можни услуги поврзани со информатичка технологија, услуги чиј опсег вклучува повеќе нивоа и технологии (како: развој и дизајн на веб-страници, десктоп и мобилни апликации, оптимизација за интернет пребарувачи итн.). Космик Девелопмент е постојано во чекор со најновите иновации, во непрекинат обид да испорача услуги според најновите трендови, а при тоа обезбедувајќи ги клиентите со високо-квалитетни и лесно-надградливи интернет производи. Компанијата е основана во Март 2011, а просториите се лоцирани во новиот бизнис центар Синерџи во Скопје, Р. Македонија.

Поради партнерството со ФИНКИ, студентите на ФИНКИ кои ги завршиле студиите или се во последните години на студии имаат можност да аплицираат и да бидат дел од програмата Cosmic Internship. Во текот на извршувањето на практичната работа, на студентите ќе им се овозможи сопствен работен простор, стекнување на искуство, работа во тим на тековни проекти кои се дел од нашата компанија.
 
Заинтересираните кандидати за PHP програмерскa праксa потребно е:
  • да следеле или тековно да се запишани на предметот 'Програмски практикум' (да се нагласи во CV) и/или да имаат одредени почетни познавања од PHP5, MySQL, JavaScript/AJAX; jQuery, XHTML, CSS
  • да разбираат и да ги применуваат концептите на објектно ориентирано програмирање
  • да покажуваат добри меѓучовечки вештини, флексибилност и приспособливост
  • да покажуваат самоиницијативност 
Документацијата (CV) да се испрати на internship@cosmicdevelopment.com, со назнака 'Cosmic Internship - PHP'.
 
Првиот рок за пријавување е до 01.11.2013 година.