Во периодот од 11ти до 14ти октомври 2025 година, во Конгресниот центар и хотел Метропол, Охрид, ќе се одржи Меѓународната конференција "International Applied Cybersecurity Conference 2025 – IACyC 2025".

Оваа конференција е прва конференција во рамките на проектот CyberMACS (Master’s Programme in Applied Cybersecurity, Erasmus Mundus Joint Master Degree – https://cybermacs.eu), во кој нашиот факултет ФИНКИ при УКИМ е еден од трите партнерски институции. Конференцијата е главно организирана од партнерите на проектот, чии цели се насочени кон привлекување на студенти од целиот свет и обезбедување високо образование во областа на сајбер безбедноста преку меѓународни магистерски програми.

Целта на конференцијата е да создаде платформа за споделување на знаења, идеи и практики помеѓу студентите, алумните, академските и индустриските партнери поврзани со Erasmus Mundus програмите.

Конференцијата ќе започне на 11ти октомври, паралелно со конференцијата ICT Innovations 2025, а во рамките на програмата, на 13ти и 14ти октомври, ќе се одржи и Летна школа, која ќе вклучува работилници и предавања од претставници на академијата и индустријата. Темите на школата кои ќе бидат опфатени се:

• Injection inspection: Defending Against Data Manipulation Attacks
• Recent Advances in Post-Quantum Cryptography: Standardization and Migration
• Methods that Matter: Rigor and Ethics in Cybersecurity Research
• Managing Enterprise Security: Challenges in the Modern Era

Повеќе детали за конференцијата и школата може да најде на следниов линк: https://cybermacs.org/