Роден е 1985 година во Куманово. Дипломирал на Факултетот за електротехника и информациски технологии во Скопје во 2008 година на насоката Информатика и компјутерско инженерство. Магистрирал на истиот факултет во 2010 година на насоката Компјутерски мрежи и е-технологии, со магистерска теза од областа на семантички веб технологии. Во 2016 година докторирал на Факултетот за информатички науки и компјутерско инженерство, на насоката Компјутерски науки и инженерство, со докторска дисертација од областа на поврзани податоци. Во текот на студирањето континуирано е наградуван за успешно студирање.

На Институтот за компјутерска техника и информатика при Факултетот за електротехника и информациски технологии во Скопје работи од 2008 година како демонстратор. Во 2011 година е избран за помлад асистент на Факултетот за информатички науки и компјутерско инженерство, а во 2014 година за асистент. Во 2017 година е избран за доцент, а во 2022 година за вонреден професор на Факултетот за информатички науки и компјутерско инженерство. Неговите наставни обврски опфаќаат работа на предмети од областа на оперативни системи, електронска и мобилна трговија, менаџмент информациски системи, DevOps и веб базирани системи.

Учествувал во 9 меѓународни и 26 домашни научно-истражувачки проекти. Во рамките на досегашната научно-истражувачка работа има објавено околу 60 научни трудови како автор и коавтор. Коавтор е на три книги. Негови активни полиња на научен интерес се графови на знаење, поврзани податоци, наука за податоци, отворени податоци и семантички веб технологии.

https://mjovanovik.com/

Рецензија - ЛИНК.
Одлука за избор - ЛИНК

Христина Михајлоска е родена 1985 година во Охрид, Македонија. Дипломирала на Природно-математички Факултет, Институт за Информатика во Скопје, во 2008 година. Во 2011 година се здобила со титулата магистер по информатички науки при Факултетот за Информатички науки и компјутерско инженерство (ФИНКИ) во Скопје на насоката ТЕМПУС - Софтверско инженерство. Нејзината магистерска тема е од областа на симетричната криптографија и е со наслов “Анализа и конструкција на оптимални супституциски табели кај блок шифрувачи со помош на квазигрупи” под менторство на Данило Глигороски, редовен професор на Норвешкиот универзитет за наука и технологии (NTNU) во Трондхејм, Норвешка. Во март 2017 година, докторирала на Факултетот за Информатички науки и компјутерско инженерство (ФИНКИ) во Скопје, со докторска дисертација од областа на криптографијата под наслов “Лесна криптографија од перспектива на теоријата на квазигрупи” под менторство на проф. Глигороски.

Во текот на своите студии, континуирано е наградувана за постигнатиот успех.

По дипломирањето е вработена како помлад асистент на Природно-математичкиот Факултет, Институт за Информатика во Скопје. Од 2011 година, работи како асистент на Факултетот за Информатички науки и компјутерско инженерство (ФИНКИ) во Скопје. Нејзината работа како асистент вклучува подготовка и изведување на аудиториски и лабораториски вежби по предмети како што се: програмирање, алгоритми и податочни структури, оперативни системи, квалитет на софтвер и тестирање, криптографија и информациска безбедност.

Учествува/ла во повеќе меѓународни и домашни научно-истражувачки проекти. Во рамките на нејзината научно-истражувачка работа има учествувано на голем број конференции, работилници и летни школи. Автор и коавтор е на бројни научно-истражувачки трудови. Има учествувано на светскиот натпревар за автентикациска енкрипција CAESAR како дел од тимот на шифрувачот π-Cipher. Моментално нејзиното внимание е насочено кон автентикациска енкрипција, дизајн на лесни шифрувачи и докажлива сигурност како дел од полето на симетричната криптографија.

Рецензија - ЛИНК.
Одлука за избор - ЛИНК

dddРоден е 1984 година во Штип. Основно училиште до четврто одделение завршил во Радовиш, а потоа основно и средно во Скопје. Во 2003 година се запишал на студии по информатика на Природно математички факултет во Скопје, кои ги завршил во 2008 година. Во последните две години од студирањето бил примен како демонстратор на Институтот за информатика. Во 2008 година бил избран како асистент на Факултетот за информациски технологии МИТ во Скопје. Во 2009 година бил избран како соработник на Институт за информатика при Природно математички факултет во Скопје. Во рамките на наставниот процес на институтот учествува како соработник во изведувањето на наставата во следните предмети: Структури на податоци, Мрежни оперативни системи, Безбедност и криптографија, Безжични и мобилни технологии, Управување на софтверски проекти, Дизајн и архитектура на софтвер, Оперативни системи и Анализа на софтверски потреби. Теми на истражување на Панче Рибарски се примена на безбедност и криптографија во софтверското инженерство со посебен осврт на системи за електронско гласање. Покрај тоа особен интерес има во полето на мобилните технологии и нивната примена сеприсутност во секојдневниот живот. Панче Рибарски е автор на неколку трудови во областа на криптографија, електронска сигурност и системи за електронско гласање. По дипломирањето е запишан на последипломски студии на TEMPUS програмата за Софтверско инженерство. Ги има завршено обврските со понудените предмети и моментално спрема магистерска теза во полето на криптографија и системи за електронско гласање. Член е на Здружението на информатичари на Македонија и е секретар на Асоцијација ИКТ-АКТ Скопје.

Роден е 1986 година во Битола. Дипломирал на Факултетот за електротехника и информациски технологии во Скопје во 2009 год. Во моментов е запишан на магистерски студии на истиот факултет. Во текот на факултетското образование бил континуирано наградуван за успешното студирање. Своето прво работно искуство го стекнал во “T-Mobile” во 2008, каде работел како програмер. На Институтот за компјутерска техника и информатика при Факултетот за електротехника и информациски технологии во Скопје почнал да работи од 2009 година како демонстратор. Во моментов е одговорен за изведување на аудиториските и лабораториските вежби по предметите од областа на интернет програмирање и визуелизација. Области на неговиот научно-истражувачки интерес се обработка на слики, податочно рударење, машинско учење, софтверско инженерство.

Рецензија - ЛИНК.
Одлука за избор - ЛИНК

Роден е 1985 година во Кавадарци. Во 2008 година дипломирал на Факултетот за електротехника и информациски технологии во Скопје. Магистрирал на истиот факултет во 2010 година, со магистерска теза од областа на роботиката. Во текот на студирањето бил редовно на градуван за успешните студии. Од 2008 година работи на Институтот за компјутерска техника и информатика при Факултетот за електротехника и информациски технологии во Скопје како демонстратор. Неговите наставни обврски опфаќаат изведување вежби по предмети од областа на роботика, дистрибуирани компјутерски системи, вештачка интелигенција, алгоритми за анализа на податоци, информациони системи и мобилни информациони системи. Области од научно-истражувачки интерес му се машинска интелигенција и учење, интелигентни мобилни роботи, анализа на временски серии на податоци и когнитивни системи.

Рецензија - ЛИНК.
Одлука за избор - ЛИНК

Мирослав Мирчев е роден во 1986 година во Св. Николе. Дипломирал во 2008 година на Факултетот за електротехника и информациски технологии при Универзитетот Св. Кирил и Методиј во Скопје на смерот Информатика и компјутерско инженерство. Магистрирал на истиот факултет во 2009 година на смерот компјутерски мрежи и е-технологии, со магистерски труд на тема “Моделирање на непоасонови процеси на ширењее вируси во компјутерски мрежи” под менторство на акад. проф. д-р Љупчо Коцарев. Во 2007 година почнал да работи како демонстратор на Институтот за компјутерска техника и информатика при Факултетот за електротехника и информациски технологии во Скопје, а во 2010 бил избран за помлад асистент. Во 2010 година бил на неколку месечен научно истражувачки престој на City University во Хонг Конг. Во 2011 започнал докторски студии на Политехничкиот универзитет во Торино, а во текот на докторските студии остварил и шестмесечен престој на Универзитетот на Калифорнија, Сан Диего во САД и еднотримесечен престој на институтот Јожеф Штефан во Љубљана. Докторските студии ги завршил во 2014 година, со одбрана на докторската теза со наслов “Кооперативни процеси во комплексни мрежи со несовршености” под менторство на проф. д-р Марио Биеј, проф. д-р Фернандо Коринто и акад. проф. д-р Љупчо Коцарев. Во 2014 година е избран за доцент на Факултетот за информатички науки и компјутерско инженерство во Скопје, а во 2019 и за вонреден професор на истиот факултет. Негови полиња на научно-истражувачка работа се мрежна наука, комплексни системи, машинско учење, вештачка интелигенција, компјутерски мрежи, оптички мрежи, итн. Досега има објавено голем број на научно-истражувачки трудови во реномирани меѓународни списанија и конференции и има учествувано во повеќе меѓународни и национални научно-истражувачки проекти, како и во неколку стручно-апликативни проекти. Бил член во програмски одбор на повеќе меѓународни конференции, и претседавач на една меѓународна конференција.

Рецензија - ЛИНК.
Одлука за избор - ЛИНК

Родена е 1982 година во Гостивар.Основно училиште завршила во ОУ„Братство-Единство“, Гостивар, а средно училиште во „Раде Јовчевски – Корчагин-ПЕКСНАС“ во Скопје, како ученик на генерација. Дипломирала на Природно-математички факултет на Институт за Информатика во Скопје 2006 година, со дипломска работа на тема „ Веб апликација за on-line пријавување на проекти “ под менторство на проф. Д-р Марјан Гушев, притоа завршувајќи ги своите студии со просек 9,7. 2007 година се запишува на последипломските студии на Природно-Математичкоти Факултет, на насоката Софтверско Инженерство. За време на студиите (од 2001 година до 2005 година) добила признанија и пофалби за натпросечно остварување во првата, втората, третата и четвртата студиска година од факултетското образование. Од 2005 до 2007 работи како демонстратор на Институтот за Информатика и паралелно од 2006 до 2007 работи и во компанијата Ултра во Скопје. Притоа работи на проекти како: банкарски информационен систем, трезорски информационен систем, осигурителен информационен систем и billing систем. Уште во финалната година на студирање е примена за демонстратор, а во 2007 година е избрана за помлад асистент на ИИ. Магистрирала во 2010 год. на темата "е-Трезор - ТРЕЗОРСКИ ИНФОРМАЦИОНЕН СИСТЕМ" и истата година е избрана за асистент на Заводот за програмско инженерство на ИИ при ПМФ. Изведувала вежби по предметите: анализа на софтверски потреби, конструкција на софтвер, дизајн и архитектура на софтвер, структури на податоци, интеракција човек-компјутер, бази на податоци, архитектура на компјутери, безжични и мобилни технологии, управување на софтверски проекти и податочно рударство. Има издадено и учествувано во креирање на повеќе публикации.

Рецензија - ЛИНК.
Одлука за избор - ЛИНК

Родена е 1984 година во Свети Николе. Дипломирала и магистрирала на Факултетот за електротехника и информациски технологии во Скопје во 2007 и 2009 година, соодветно. Во текот на факултетското образование редовно била наградувана за успешните студии. Во 2014 година докторирала на Факултетот за информатички науки и компјутерско инженерство во Скопје.

На Институтот за компјутерска техника и информатика при Факултетот за електротехника и информациски технологии во Скопје работи од 2007 година како демонстратор, а во 2009 година била избрана за помлад асистент. Од 2011 година работи на Факултетот за информатички науки и компјутерско инженерство во Скопје како помлад асистент, а во 2012 година е избрана како асистент. До сега била ангажирана за изведување вежби по повеќе предмети: бази на податоци, бази на податоци 1, вештачка интелигенција, податочно рударење, мултимедиски системи, менаџмент на информациони системи, машинска интелигенција и учење, географски информациони системи, системска анализа и дизајн, објектно ориентирана анализа и дизајн и други.

Во рамките на досегашната научно-истражувачка работа има објавено над 30 научно-истражувачки трудови во меѓународни списанија и зборници на странски и домашни конференции. Полињата на научно-истражувачки интерес вклучуваат биоинформатика, пресметковна биологија, вештачка интелигенција, податочно рударење, мултимедиа, машинско учење и бази на податоци.

Рецензија - ЛИНК.
Одлука за избор - ЛИНК

Роден е 1984 година во Радовиш. Дипломирал на Факултетот за електротехника и информациски технологии во Скопје во 2008 година. Магистрирал на истиот факултет на насоката Интелигентни информациони системи во 2010 година, со магистерска теза од областа на податочно рударење. Во текот на студирањето континуирано е наградуван за успешно студирање. На Институтот за компјутерска техника и информатика при Факултетот за електротехника и информациски технологии во Скопје работи од 2010 година како демонстратор. Неговите наставни обврски вклучуваат подготовка и изведување на аудиториски и лабораториски вежби по предмети од областа на дистрибуирани компјутерски системи, алгоритми за анализа на податоци и интелигентни информациони системи, додека неоговото практичното искуство се состои од дизајн и имплементација на разновидни софтверски решенија стекнати при работењето во НИ ТЕКНА – Интелигентни технологии. Член е на Менса Македонија од 2004 година. Во рамките на досегашната научно-истражувачка работа има објавено десетина научни трудови на меѓународни конференции. Негови активни полиња на научен интерес се: машинско учење, податочно рударење, експертни системи, системи за поддршка на одлуки, интелигентни информациони системи, бази и складишта на податоци, безжични сензорско-акторски мрежи и други.

Рецензија - ЛИНК.
Одлука за избор - ЛИНК

Роден е 1988 година во Прилеп. Дипломирал на Факултетот за електротехника и информациски технологии во Скопје во 2010 година. Во текот на студирањето континуирано е наградуван за успешно студирање. На Институтот за компјутерска техника и информатика при Факултетот за електротехника и информациски технологии во Скопје работи од 2010 година како демонстратор. Неговите наставни обврски опфаќаат подготовка и изведување на аудиториски и лабораториски вежби за предмети од областа на компјутерски мрежи, мрежни оперативни системи, WAN компјутерски мрежи и безжични компјутерски мрежи. Учествувал во неколку меѓународни проекти. Во рамките на досегашната научно-истражувачка работа има објавено два научни трудови и коавтор е на една книга. Негови активни полиња на научен интерес се: дизајн на дигитални системи со HDL, семантичкиот веб, веб базирани системи, системски софтвер и компјутерски мрежи.

Веб: http://www.zdraveski.me/

Рецензија - ЛИНК.
Одлука за избор - ЛИНК