Роден е 1986 година во Битола. Дипломирал на Факултетот за електротехника и информациски технологии во Скопје во 2009 год. Во моментов е запишан на магистерски студии на истиот факултет. Во текот на факултетското образование бил континуирано наградуван за успешното студирање. Своето прво работно искуство го стекнал во “T-Mobile” во 2008, каде работел како програмер. На Институтот за компјутерска техника и информатика при Факултетот за електротехника и информациски технологии во Скопје почнал да работи од 2009 година како демонстратор. Во моментов е одговорен за изведување на аудиториските и лабораториските вежби по предметите од областа на интернет програмирање и визуелизација. Области на неговиот научно-истражувачки интерес се обработка на слики, податочно рударење, машинско учење, софтверско инженерство.

Рецензија - ЛИНК.
Одлука за избор - ЛИНК

Роден е 1985 година во Кавадарци. Во 2008 година дипломирал на Факултетот за електротехника и информациски технологии во Скопје. Магистрирал на истиот факултет во 2010 година, со магистерска теза од областа на роботиката. Во текот на студирањето бил редовно на градуван за успешните студии. Од 2008 година работи на Институтот за компјутерска техника и информатика при Факултетот за електротехника и информациски технологии во Скопје како демонстратор. Неговите наставни обврски опфаќаат изведување вежби по предмети од областа на роботика, дистрибуирани компјутерски системи, вештачка интелигенција, алгоритми за анализа на податоци, информациони системи и мобилни информациони системи. Области од научно-истражувачки интерес му се машинска интелигенција и учење, интелигентни мобилни роботи, анализа на временски серии на податоци и когнитивни системи.

Рецензија - ЛИНК.
Одлука за избор - ЛИНК

Мирослав Мирчев е роден во 1986 година во Св. Николе. Дипломирал во 2008 година на Факултетот за електротехника и информациски технологии при Универзитетот Св. Кирил и Методиј во Скопје на смерот Информатика и компјутерско инженерство. Магистрирал на истиот факултет во 2009 година на смерот компјутерски мрежи и е-технологии, со магистерски труд на тема “Моделирање на непоасонови процеси на ширењее вируси во компјутерски мрежи” под менторство на акад. проф. д-р Љупчо Коцарев. Во 2007 година почнал да работи како демонстратор на Институтот за компјутерска техника и информатика при Факултетот за електротехника и информациски технологии во Скопје, а во 2010 бил избран за помлад асистент. Во 2010 година бил на неколку месечен научно истражувачки престој на City University во Хонг Конг. Во 2011 започнал докторски студии на Политехничкиот универзитет во Торино, а во текот на докторските студии остварил и шестмесечен престој на Универзитетот на Калифорнија, Сан Диего во САД и еднотримесечен престој на институтот Јожеф Штефан во Љубљана. Докторските студии ги завршил во 2014 година, со одбрана на докторската теза со наслов “Кооперативни процеси во комплексни мрежи со несовршености” под менторство на проф. д-р Марио Биеј, проф. д-р Фернандо Коринто и акад. проф. д-р Љупчо Коцарев. Во 2014 година е избран за доцент на Факултетот за информатички науки и компјутерско инженерство во Скопје, а во 2019 и за вонреден професор на истиот факултет. Негови полиња на научно-истражувачка работа се мрежна наука, комплексни системи, машинско учење, вештачка интелигенција, компјутерски мрежи, оптички мрежи, итн. Досега има објавено голем број на научно-истражувачки трудови во реномирани меѓународни списанија и конференции и има учествувано во повеќе меѓународни и национални научно-истражувачки проекти, како и во неколку стручно-апликативни проекти. Бил член во програмски одбор на повеќе меѓународни конференции, и претседавач на една меѓународна конференција.

Рецензија - ЛИНК.
Одлука за избор - ЛИНК

Родена е 1982 година во Гостивар.Основно училиште завршила во ОУ„Братство-Единство“, Гостивар, а средно училиште во „Раде Јовчевски – Корчагин-ПЕКСНАС“ во Скопје, како ученик на генерација. Дипломирала на Природно-математички факултет на Институт за Информатика во Скопје 2006 година, со дипломска работа на тема „ Веб апликација за on-line пријавување на проекти “ под менторство на проф. Д-р Марјан Гушев, притоа завршувајќи ги своите студии со просек 9,7. 2007 година се запишува на последипломските студии на Природно-Математичкоти Факултет, на насоката Софтверско Инженерство. За време на студиите (од 2001 година до 2005 година) добила признанија и пофалби за натпросечно остварување во првата, втората, третата и четвртата студиска година од факултетското образование. Од 2005 до 2007 работи како демонстратор на Институтот за Информатика и паралелно од 2006 до 2007 работи и во компанијата Ултра во Скопје. Притоа работи на проекти како: банкарски информационен систем, трезорски информационен систем, осигурителен информационен систем и billing систем. Уште во финалната година на студирање е примена за демонстратор, а во 2007 година е избрана за помлад асистент на ИИ. Магистрирала во 2010 год. на темата "е-Трезор - ТРЕЗОРСКИ ИНФОРМАЦИОНЕН СИСТЕМ" и истата година е избрана за асистент на Заводот за програмско инженерство на ИИ при ПМФ. Изведувала вежби по предметите: анализа на софтверски потреби, конструкција на софтвер, дизајн и архитектура на софтвер, структури на податоци, интеракција човек-компјутер, бази на податоци, архитектура на компјутери, безжични и мобилни технологии, управување на софтверски проекти и податочно рударство. Има издадено и учествувано во креирање на повеќе публикации.

Рецензија - ЛИНК.
Одлука за избор - ЛИНК

Родена е 1984 година во Свети Николе. Дипломирала и магистрирала на Факултетот за електротехника и информациски технологии во Скопје во 2007 и 2009 година, соодветно. Во текот на факултетското образование редовно била наградувана за успешните студии. Во 2014 година докторирала на Факултетот за информатички науки и компјутерско инженерство во Скопје.

На Институтот за компјутерска техника и информатика при Факултетот за електротехника и информациски технологии во Скопје работи од 2007 година како демонстратор, а во 2009 година била избрана за помлад асистент. Од 2011 година работи на Факултетот за информатички науки и компјутерско инженерство во Скопје како помлад асистент, а во 2012 година е избрана како асистент. До сега била ангажирана за изведување вежби по повеќе предмети: бази на податоци, бази на податоци 1, вештачка интелигенција, податочно рударење, мултимедиски системи, менаџмент на информациони системи, машинска интелигенција и учење, географски информациони системи, системска анализа и дизајн, објектно ориентирана анализа и дизајн и други.

Во рамките на досегашната научно-истражувачка работа има објавено над 30 научно-истражувачки трудови во меѓународни списанија и зборници на странски и домашни конференции. Полињата на научно-истражувачки интерес вклучуваат биоинформатика, пресметковна биологија, вештачка интелигенција, податочно рударење, мултимедиа, машинско учење и бази на податоци.

Рецензија - ЛИНК.
Одлука за избор - ЛИНК

Роден е 1984 година во Радовиш. Дипломирал на Факултетот за електротехника и информациски технологии во Скопје во 2008 година. Магистрирал на истиот факултет на насоката Интелигентни информациони системи во 2010 година, со магистерска теза од областа на податочно рударење. Во текот на студирањето континуирано е наградуван за успешно студирање. На Институтот за компјутерска техника и информатика при Факултетот за електротехника и информациски технологии во Скопје работи од 2010 година како демонстратор. Неговите наставни обврски вклучуваат подготовка и изведување на аудиториски и лабораториски вежби по предмети од областа на дистрибуирани компјутерски системи, алгоритми за анализа на податоци и интелигентни информациони системи, додека неоговото практичното искуство се состои од дизајн и имплементација на разновидни софтверски решенија стекнати при работењето во НИ ТЕКНА – Интелигентни технологии. Член е на Менса Македонија од 2004 година. Во рамките на досегашната научно-истражувачка работа има објавено десетина научни трудови на меѓународни конференции. Негови активни полиња на научен интерес се: машинско учење, податочно рударење, експертни системи, системи за поддршка на одлуки, интелигентни информациони системи, бази и складишта на податоци, безжични сензорско-акторски мрежи и други.

Рецензија - ЛИНК.
Одлука за избор - ЛИНК

Роден е 1988 година во Прилеп. Дипломирал на Факултетот за електротехника и информациски технологии во Скопје во 2010 година. Во текот на студирањето континуирано е наградуван за успешно студирање. На Институтот за компјутерска техника и информатика при Факултетот за електротехника и информациски технологии во Скопје работи од 2010 година како демонстратор. Неговите наставни обврски опфаќаат подготовка и изведување на аудиториски и лабораториски вежби за предмети од областа на компјутерски мрежи, мрежни оперативни системи, WAN компјутерски мрежи и безжични компјутерски мрежи. Учествувал во неколку меѓународни проекти. Во рамките на досегашната научно-истражувачка работа има објавено два научни трудови и коавтор е на една книга. Негови активни полиња на научен интерес се: дизајн на дигитални системи со HDL, семантичкиот веб, веб базирани системи, системски софтвер и компјутерски мрежи.

Веб: http://www.zdraveski.me/

Рецензија - ЛИНК.
Одлука за избор - ЛИНК

Роден е 1985 година во Штип. Дипломирал на Факултетот за електротехника и информациски технологии во Скопје во 2008 година, на насоката информатика и компјутерско инженерство. Магистрирал на истиот факултет во 2010 година, со магистерска теза од областа на семантички веб технологии. Во текот на факултетското образование редовно бил наградуван за успешните студии. Првото работно искуство му било во дооел “Генреп” од 2008 година. На Институтот за компјутерска техника и информатика при Факултетот за електротехника и информациски технологии во Скопје почнал да работи од 2009 година како демонстратор. Неговите наставни обврски опфаќаат изведување вежби по предмети од областа на системски софтвер, мрежно програмирање и мрежен софтвер. Во рамките на досегашната научно-истражувачка работа има објавено десет научно-истражувачки трудови. Коавтор е на една книга. Полињата на научно-истражувачки интерес вклучуваат шеми за дизајн, семантички веб, паралелно процесирање, дистрибуирани системи, компјутерски мрежи, обработка на неструктурирани податоци.

Рецензија - ЛИНК.
Одлука за избор - ЛИНК

Родена е 1987 година во Белград, Р Србија. Дипломирала на Факултетот за електротехника и информациски технологии во Скопје во 2009 година на насоката Информатика и компјутерско инженерство. Магистрирала на истиот факултет во 2011 година на насоката Компјутерски мрежи и е-технологии, со магистерска теза од областа на моделирање и анализа на сложени мрежни системи. Во текот на факултетското образование била континуирано наградувана за успешното студирање. Учествува во реализација на еден меѓународен проект и има презентирано труд на меѓународна конференција и учествувала на две меѓународни работилници. На Институтот за компјутерска техника и информатика при Факултетот за електротехника и информациски технологии во Скопје почнала да работи во 2009 година како демонстратор. Нејзините наставни обврски опфаќаат изведување на аудиториски и лабораториски вежби по предметите од областа на логички кола и дискретни автомати и формални јазици. Области на нејзин научно-истражувачки интерес се оптимизација, анализа и моделирање на мрежни системи, формални јазици, логички кола и дискретни автомати, надежност на системи.

Рецензија - ЛИНК.
Одлука за избор - ЛИНК

Родена е 1986 година во Куманово. Дипломирала на Факултетот за електротехника и информациски технологии во Скопје во 2008 год. Магистрирала на истиот факултет во 2010 година, со магистерска теза од областа на содржински базирано пребарување на слики од магнетна резонанца. Во текот на факултетското образование била континуирано наградувана за успешното студирање. Како најдобар студент од генерацијата е наградувана од Факултетот, универзитетот “Св. Кирил и Методиј”, како и други фондации и е добитник на инженерски прстен од Организацијата на инженерите на Македонија. Таа своето прво работно искуство го стекнала на Европскиот универзитет на Факултетот за информатика во 2008 година. На Институтот за компјутерска техника и информатика при Факултетот за електротехника и информациски технологии во Скопје почнала да работи во 2008 година како демонстратор. Во моментот е одговорна за изведување на аудиториските и лабораториските вежби по предмети од областа на структурирано програмирање, објектно-ориентирано програмирање, интернет програмирање и кориснички интерфејси. Области на нејзин научно-истражувачки интерес се обработка на слики, податочно рударење, машинско учење, софтверско инженерство.

Рецензија - ЛИНК.
Одлука за избор - ЛИНК