Миле Јованов е роден 1980 година во Кавадарци, каде завршил основно и средно образование како најдобар ученик во генерацијата. Дипломирал на Институтот за информатика при Природно-математичкиот факултет (ПМФ) во Скопје во 2002 година, како најдобар студент на факултетот. Магистрира на ПМФ во 2009, а докторира на ФИНКИ во 2013. По дипломирањето бил назначен за демонстратор на Институтот. Од 2005 година е вработен како помлад асистент/асистент на ПМФ, при формирањето се префрла на ФИНКИ, каде е избран во звањето доцент во 2014, вонреден професор во 2018 година и редовен професор во 2023. На ФИНКИ бил Раководител на Институтот за Интелигентни системи. Изведувал настава на дваесетина предмети на додипломските, магистерските и докторските студии. Ментор е на два докторанти и на повеќе дипломски работи, а автор е на петнаесетина учебници/прирачници.

Бил организатор и/или претседавач на дваесетина конференции, семинари и работилници од меѓународен карактер, а автор е на повеќе од 70 научни публикации од областа на информатичка едукација, натпреварувачко програмирање, семантички веб и интелигентни системи, објавени во меѓународни списанија/конференции. Тој е едитор на интернационално списание и член на програмски одбор во неколку реномирани меѓународни конференции. Учествувал/ко-раководел со повеќе меѓународни проекти. 

Од 2003 е во комисиите за натпревари по информатика, од 2008 година е  организатор на натпреварите, а од 2009 е и Претседател на Здружението на информатичарите на Македонија. Водел македонски тимови ученици на повеќе од 30 изданија од врвните меѓународни натпревари по информатика (Интернационална олимпијада (ИОИ), Балканска олимпијада (БОИ), Европска и Балканска јуниорска олимпијада) со освоени повеќе од 80 медали. Од 2014 година е Претседател на БОИ, а од 2015 е избран член на интернационалниот комитет на ИОИ. Претседавал/организирал десетина изданија на балканските олимпијади. Учествувал во изработката на десетина наставни програми по информатичките предмети во основното и средното државно образование, и во повеќе владини комисии за стратегии и иновации во образованието, а е еден од иницијаторите на новата Математичко-информатичка гимназија за талентирани ученици во Скопје.

Рецензија - ЛИНК.
Одлука за избор - ЛИНК

Родена во 1982 година во Охрид. Дипломирала и магистрирала на Факултетот за електротехника и информациски технологии во Скопје во 2006 и 2008 година, соодветно. Во моментов работи на докторската теза. На Институтот за компјутерска техника и информатика при Електротехничкиот факултет во Скопје почнала да работи од 2005 год. како демонстратор. Во 2009 година е избрана за помлад асистент. Одговорна е за изведување вежби по предмети од областа на алгоритми и структури на податоци, дистрибуирани компјутерски системи, експертни системи, мобилни информациони системи, проектирање на вградливи компјутерски компоненти и информациони системи. Во рамките на досегашната научно-истражувачка работа објавила повеќе трудови во зборници од конференции и во меѓународни научни списанија.

Рецензија - ЛИНК.
Одлука за избор - ЛИНК

Роден е 1975 година во Скопје. Основно и средно насочено училиште завршил во Скопје со звање информатички техничар. Добитник е на неколку награди на државните натпревари за средношколци по информатика, математика и физика. Во 1993 година се запишал на студии по информатика на Природно-математичкиот факултет во Скопје, кои ги завршил во 1999 година како најдобар дипломиран студент на ИИ и се стекнал со звањето дипломиран инженер по информатика. По повод 50-годишниот јубилеј на Универзитетот, во 2000 година, е добитник на награда за трудот „Систем на пријавување испити преку Интернет“, како најдобар проект од областа на информатиката. Истата година бил избран за стручен соработник, во 2002 за помлад асистент, во 2007 за асистент на која позиција премина на ФИНКИ во 2011 година. Во 2013 година е избран за доцент на ФИНКИ. Во 2006 година ги завршил последипломските студии со одбраната на магистеркиот труд под наслов "Јавни информациски системи и информациски портали". Во 2013 година ја одбранил докторската дисертација под наслов “Адаптивни и социјални само-структурирачки системи за навигација низ јавни информациски системи“. Во рамките на наставниот процес на ИИ учествува како соработник во изведувањето на наставата по следниве предмети: бази на податоци, бази на податоци 2, информациски системи, анализа и логички дизајн на ИС, физички дизајн и имплементација на ИС, компјутерска графика, тимска работа, мултимедија, операциони истражувања, системски софтвер, проектирање компјутерски мрежи, програмски системи, математичка логика и алгебра, вовед во информатиката за физичари, вовед во информатиката за хемичари и вовед во информатиката на Факултетот за замјоделски науки и храна. Во 2003 година учествувал во формирањето на регионалната CISCO-академија во која е регионален инструктор за CCNA курсеви. Како соработник на ИИ учествувал во реализацијата на 30-тина меѓународни и домашни проекти, од кои од особено значење се проектите за унапредување на мрежата на МАРНет и УКИМ и мрежните сервиси (SINSEE, NATO, UNESCO-HP, SEEGRID, SEEREN, GEANT) во моментот е водач на македонскиот дел од тимот во рамките на активноста Network Factory во рамките на GEANT3 проектот. Учествувал во формирањето на информацискиот систем на ИИ, како и на ПМФ уште од 1996 година, учествувал во повеќе TEMPUS и DAAD проекти за реконструкции на наставните планови на студиите по информатика и на ИИ, но и на универзитети од соседните држави. Учествувал во формирањето лаборатории за видеоконференции, компјутерска графика, оперативни системи, бази на податоци, мултимедија и далечинско образование. Од 2005-2009 година бил раководител на Компјутерскиот центар при ИИ. Архитект и главен изведувач или соизведувач бил на поголемиот дел од мрежната инфраструктура и компјутерски сервиси на ИИ. Објавил 16 научни трудови во списанија и во зборници од конференции и одржал 25 презентации. Учествувал во имплементација на голем број јавни веб страници за неколку организации, системи за знаење и географско мапирање. Член е на ACM на ниво докторанд (во групите SIGMIS и SIGCHI), а во минатото бил и член на IEEE и AACE.. Во рамките на интересите ги има воопшто софверските решенија и компјутерските системи и е автор на првата книга за користење на оперативниот систем Windows во Македонија - „Основи на Windows 3.1“ во 1994 година, во кој период бил уредник и автор на повеќе од сто написи во дневни и месечни списанија. Се занимава и со дигитален звук и обработка, композиција и аранжман и автор е на поголем број композиции објавени на Интернет и дел од првата македонска компилација на електронска музика „Macidonia: Class of 999” во издание на PMG Recordings.

Рецензија - ЛИНК.
Одлука за избор - ЛИНК

Рецензија - ЛИНК.
Одлука за избор - ЛИНК

Роден е 1982 година во Струмица. Дипломирал на Електротехничкиот факултет во Скопје во 2006 година. Магистрирал на Факултетот за електротехника и информациски технологии во Скопје во 2008 година. Во текот на образованието редовно е наградуван за успешно студирање, а како најдобар студент во генерацијата е награден и од универзитетот „Св. Кирил и Методиј“ и други организации и фондации, меѓу кои Организацијата на инженерите на Македонија, која го наградила со наградата златен инженерски прстен. На Институтот за компјутерска техника и информатика при Електротехничкиот факултет во Скопје работи од 2005 година како демонстратор. Во 2007 година го стекнал звањето помлад асистент, а во 2010 година звањето асистент. Во своите наставни обврски бил/е одговорен за изведување вежби по предмети од областа на бази на податоци, вештачка интелигенција, податочно рударење, алгоритми за анализа на податоци, логичко и функционално програмирање и биокибернетика. Како автор/коавтор има учествувано во изработката на повеќе од 15 трудови публикувани во реномирани меѓународни научни списанија и зборници од конференции. Неговиот научно-истражувачки интерес е фокусиран на областите: биоинформатика, пресметковна биологија, вештачка интелигенција, податочно рударење, алгоритми за анализа на податоци и бази на податоци.

Рецензија - ЛИНК.
Одлука за избор - ЛИНК

Александра Поповска-Митровиќ е родена 1979 година во Скопје. Дипломирала и магистрирала во 2003 и 2009 година на Институтот за информатика при Природно-математичкиот факултет во Скопје. Во 2014 година ја одбранила својата докторска теза од областа на теорија на кодирање и криптографија на Факултетот за информатички науки и компјутерско инженерство. Во 2004 година добива награда од Универзитетот „Св. Кирил и Методиј во Скопје за дипломирање со највисок просек на Природно-математичкиот факултет во учебната 2002/03 година.
Во 2002 година почнала да работи на Институтот за информатика, Природно-математички факултет, како демонстратор, а во 2006 година како помлад асистент. Во 2011 година продолжува да работи како асистент на Факултетот за информатички науки и компјутерско инженерство. Во периодот од 2015 – 2019 година работи како доцент, 2019 – 2024 година како вонреден професор, а од мај 2024 година како професор на Факултетот за информатички науки и компјутерско инженерство, Универзитет „Св.Кирил и Методиј“ во Скопје.
Била учесник/раководител на повеќе меѓународни и национални научни проекти. Автор е на повеќе научни трудови објавени во списанија и зборници на меѓународни конференции. Нејзини области на истражување се: теорија на кодирање, криптографија, теорија на информации, blockchain технологија.

Рецензија - ЛИНК.
Одлука за избор - ЛИНК

Родена е 1980 година во Скопје. Основно и средно училиште завршила во Скопје. Била член на Македонскиот тим на Меѓународните математички олимпијади за средношколци. Учествувала на повеќе Балканијади и Светски олимпијади на кои освоила пофалници и два бронзени медали. Во 1999 се запишала на студиите по теориска математика на Природно математичкиот факултет во Скопје. Дипломирала во 2004 со просек 9.88. Како стипендист на DAAD продолжила на Магистерски студии по Стохастика и финансиска математика на Техничкиот Универзитет Кајзерслаутерн во Германија. Во 2007 година под менторство на проф. Ralf Korn ја комплетирала магистерската теза под наслов “Martingale decompositions with application in Finance” за која добила оценка 10. Студиите ги завршила со просек 10 и за резултатите постигнати за време на магистерските студии добила признание за најдобар студент на институтот по Математика. За време на својот престој во Германија работела и на проектот “ Asset liability managment” во рамките на институтот ITWM Fraunhofer. Учествувала на различни семинари меѓу кои и работилницата организирана од Credit Suisse, во Frankfurt на тема “Equity derivatives. По враќањето во Македонија работела во Министерството за финансии во одделот за истражување при Секторот за јавен долг на Р. Македонија. Својот ангажман на Институтот за Информатика го започнува во 2009 година, кога и е избрана за помлад асистент. Изведува настава по повеќе предмети: Линеарна алгебра, Дискретни структури, Калкулус, Веројатност и статистика, Теорија на информации, Опрациони истражувања, Нумеричко сметање. Дел од нејзините научни интереси се веројатност и статистика, стохастички диференцијални равенки и стохастичко моделирање со акцент на нивната примена во други области ( биологија, медицина, финансии, информатика ). Во рамките на своето докторско истражување работи под менторство на проф. Светлана Јанковиќ на тема "Стаболност на модели на стохастички невронски мрежи". Има објавено неколку трудови и учествувано со свои презентации на повеќе меѓународни семинари, конференции и работилници. Дел е од организацијата на натпреварите по математика во Република Македонија.

Рецензија - ЛИНК.
Одлука за избор - ЛИНК

Роден е 1985 година во Куманово. Дипломирал на Факултетот за електротехника и информациски технологии во Скопје во 2008 година на насоката Информатика и компјутерско инженерство. Магистрирал на истиот факултет во 2010 година на насоката Компјутерски мрежи и е-технологии, со магистерска теза од областа на семантички веб технологии. Во 2016 година докторирал на Факултетот за информатички науки и компјутерско инженерство, на насоката Компјутерски науки и инженерство, со докторска дисертација од областа на поврзани податоци. Во текот на студирањето континуирано е наградуван за успешно студирање.

На Институтот за компјутерска техника и информатика при Факултетот за електротехника и информациски технологии во Скопје работи од 2008 година како демонстратор. Во 2011 година е избран за помлад асистент на Факултетот за информатички науки и компјутерско инженерство, а во 2014 година за асистент. Во 2017 година е избран за доцент, а во 2022 година за вонреден професор на Факултетот за информатички науки и компјутерско инженерство. Неговите наставни обврски опфаќаат работа на предмети од областа на оперативни системи, електронска и мобилна трговија, менаџмент информациски системи, DevOps и веб базирани системи.

Учествувал во 9 меѓународни и 26 домашни научно-истражувачки проекти. Во рамките на досегашната научно-истражувачка работа има објавено околу 60 научни трудови како автор и коавтор. Коавтор е на три книги. Негови активни полиња на научен интерес се графови на знаење, поврзани податоци, наука за податоци, отворени податоци и семантички веб технологии.

https://mjovanovik.com/

Рецензија - ЛИНК.
Одлука за избор - ЛИНК

Христина Михајлоска е родена 1985 година во Охрид, Македонија. Дипломирала на Природно-математички Факултет, Институт за Информатика во Скопје, во 2008 година. Во 2011 година се здобила со титулата магистер по информатички науки при Факултетот за Информатички науки и компјутерско инженерство (ФИНКИ) во Скопје на насоката ТЕМПУС - Софтверско инженерство. Нејзината магистерска тема е од областа на симетричната криптографија и е со наслов “Анализа и конструкција на оптимални супституциски табели кај блок шифрувачи со помош на квазигрупи” под менторство на Данило Глигороски, редовен професор на Норвешкиот универзитет за наука и технологии (NTNU) во Трондхејм, Норвешка. Во март 2017 година, докторирала на Факултетот за Информатички науки и компјутерско инженерство (ФИНКИ) во Скопје, со докторска дисертација од областа на криптографијата под наслов “Лесна криптографија од перспектива на теоријата на квазигрупи” под менторство на проф. Глигороски.

Во текот на своите студии, континуирано е наградувана за постигнатиот успех.

По дипломирањето е вработена како помлад асистент на Природно-математичкиот Факултет, Институт за Информатика во Скопје. Од 2011 година, работи како асистент на Факултетот за Информатички науки и компјутерско инженерство (ФИНКИ) во Скопје. Нејзината работа како асистент вклучува подготовка и изведување на аудиториски и лабораториски вежби по предмети како што се: програмирање, алгоритми и податочни структури, оперативни системи, квалитет на софтвер и тестирање, криптографија и информациска безбедност.

Учествува/ла во повеќе меѓународни и домашни научно-истражувачки проекти. Во рамките на нејзината научно-истражувачка работа има учествувано на голем број конференции, работилници и летни школи. Автор и коавтор е на бројни научно-истражувачки трудови. Има учествувано на светскиот натпревар за автентикациска енкрипција CAESAR како дел од тимот на шифрувачот π-Cipher. Моментално нејзиното внимание е насочено кон автентикациска енкрипција, дизајн на лесни шифрувачи и докажлива сигурност како дел од полето на симетричната криптографија.

Рецензија - ЛИНК.
Одлука за избор - ЛИНК

dddРоден е 1984 година во Штип. Основно училиште до четврто одделение завршил во Радовиш, а потоа основно и средно во Скопје. Во 2003 година се запишал на студии по информатика на Природно математички факултет во Скопје, кои ги завршил во 2008 година. Во последните две години од студирањето бил примен како демонстратор на Институтот за информатика. Во 2008 година бил избран како асистент на Факултетот за информациски технологии МИТ во Скопје. Во 2009 година бил избран како соработник на Институт за информатика при Природно математички факултет во Скопје. Во рамките на наставниот процес на институтот учествува како соработник во изведувањето на наставата во следните предмети: Структури на податоци, Мрежни оперативни системи, Безбедност и криптографија, Безжични и мобилни технологии, Управување на софтверски проекти, Дизајн и архитектура на софтвер, Оперативни системи и Анализа на софтверски потреби. Теми на истражување на Панче Рибарски се примена на безбедност и криптографија во софтверското инженерство со посебен осврт на системи за електронско гласање. Покрај тоа особен интерес има во полето на мобилните технологии и нивната примена сеприсутност во секојдневниот живот. Панче Рибарски е автор на неколку трудови во областа на криптографија, електронска сигурност и системи за електронско гласање. По дипломирањето е запишан на последипломски студии на TEMPUS програмата за Софтверско инженерство. Ги има завршено обврските со понудените предмети и моментално спрема магистерска теза во полето на криптографија и системи за електронско гласање. Член е на Здружението на информатичари на Македонија и е секретар на Асоцијација ИКТ-АКТ Скопје.