Родена е 1960 година во Скопје, каде што оформила основно и средно образование. На Математичкиот факултет се запишала во академската 1978/79 година Насоката математика и информатика ја завршила во 1983 година. Магистрирала на Електротехничкиот факултет во Скопје, на насоката за компјутерска техника и информатика (КТИ) под менторство на проф. д-р Драган Михајлов, во 1988 година, со одбрана на трудот “Алгоритми за генетски истражувања”. Докторирала на ПМФ во 1993 година, со одбрана на дисертацијата “Систем за машинско преведување, реализиран со помош на невронски мрежи”, под менторство на проф. д-р Душан Сурла од Уиверзитетот во Нови Сад. Во 1989 година била избрана за асистент, во 1994 за доцент, во јуни 1999 година за вонреден професор, а од 2004 година е редовен професор на ИИ при ПМФ. Во академската 1988/89, како стипендист на British Council, имала студиски престој на Cranfield Institute of Technology во Англија, летото 1990 година престојувала на Universite Stendhal и на Institute GETA во Гренобл, Франција. Во 1992 година ја посетувала школата Contemporary Topics in Computational Linguistics во Цигов Чарк, Бугарија. Во 2000, со Tempus IMG стипедија, кратко престојувала на University of Wolverhampton, School of Computing and Information Technology, Centre of Learning and Teaching и Delta Institute. Во рамките на Tempus JEP 13577/98, во 2000 година престојувала на University of Loughborough и University of Liecester, а во рамките на Phare во Центарот за отворено и далечинско учење на Open University во Лондон и во Milton Keynes. Во рамките на Tempus JEP 14440/99, во 2000 и 2001 година имала кратки престои на Aristotle University во Солун, а во 2003, со Tempus IMG03-FYR1007 престојувала во Љубљана, Словенија, на семинарот REGOC, во огранизација на IEEE. Последниве 5 години изведува/ла настава по 15 предмети на додипломските студии - по информатика: компјутерски апликации, програмски системи, учење со компјутер и примени, основи на вештачката интелигенција, филозофија на информатиката, учење со компјутер, дизајнирање на образовен софтвер, компјутерски системи во наставата; по хемија: вовед во информатиката и примена на компјутерите; по физика: информатика; по биологија: информатика за биолози; по биологија-хемија: математика со информатика; на Стоматолошкиот факултет: примена на компјутерите во стоматологијата и информатика. На постдипломските студии по информатика е задолжена за предметите: невронски мрежи, обработка на природните јазици, логичко програмирање, интерактивни мултимедиски системи за учење и софтверско инженерство. Од академската 2000/01 до 2004/05 година на постдипломските студии на Институтот за билогија ја изведувала наставата по примена на компјутерските пакети во биологијата. Од академската 2003/04 до 2005/06 година изведувала настава по информатика на постдипломските студии на Стоматолошкиот факултет. Здравкова била или е ментор на 3 докторски дисертации и на 1 магистерски труд. Објавила: 4 трудови во меѓународни списанија, 2 научни труда во домашно списание, 34 трудови во зборници од меѓународни научни собири и имала повеќе од 50 стручни презентации на меѓународни собири. Коавтор е на два средношколски учебника. Одржала 8 поканети предавања на меѓународни семинари и конференции. Д-р Здравкова е претставник на UNESCO Institute of Information Technology of Education (IITE) за Македонија и регионален координатор за Јужна Европа. Во рамките на UNESCO IITE, била национален координатор на два проекта. Исто така, таа е координатор на еден билатерален проект на МОН на Македонија, на два проекта на Deutsche Akademische Austausch Dienst (DAAD), на еден Темпус-проект и на еден NATO проект. Од 1999 година членува во Institute ofElectrical and Electronics Engineers (IEEE). Здравкова е член во програмските комитети на 4 меѓународни конференции. Таа е рецензент на Министерството за образование и наука на Македонија, на Министерството за наука на Хрватска, на две меѓународни списанија и на голем број конференции. Одликувана е со специјалното одликување на IEEE за исклучителен придонес.

Рецензија - ЛИНК.
Одлука за избор - ЛИНК

Родена е 1967 година во Скопје. Основно и средно образование завршила во Скопје. Во 1991 година дипломирала на Институтот за информатика при ПМФ во Скопје како најдобар дипломиран студент во тековната академска година. На Институтот за информатика почнала и да работи како стручен соработник во 1992 година. Во 1996 година магистрирала на темата „Модификација на повеќеслојни невронски мрежи без повратни врски и нивно изучување“ (магистер по информатички науки), а во 2003-тата ја одбранила докторската дисертација под наслов “Препознавање облици со примена на машините со поддржувачки вектори и повеќеслојните невронски мрежи без повратни врски“ (доктор на информатички науки), на ИИ, ПМФ. Од пролетта 2004 работи како доцент на Институтот за информатика и држи настава по предметите: интелигентни системи, биоинформатика, основи на оперативните системи, основи на програмирање, објектно и визуелно програмирање, методика на информатичката настава, практикум, информациски технологии во образованието. Наставник е и на постдипломските студии по информатика и биологија. Главно подрачје на научен интерес на проф. Мадевска-Богданова е областа на вештачките интелигентни системи - препознавање облици, биоинформатика, податочно рударење, а работи и на формализираното претставување на знаење и на методиката на наставата по информатика. Објавила 40-тина трудови од областите на нејзиниот интерес во книги списанија со импакт фактор, меѓународни списанија и зборници на трудови од меѓународни и домашни конференции. Досега објавила неколку учебни помагала, како и материјали за сите курсеви кои ги одржувала. Била уредник во списанието Бит+, во издание на ИИ. Учествувала во вкупно 7 домашни и 8 меѓународни научноистражувачки проекти. Мадевска-Богданова престојувала на неколку странски универзитети. Ги следела Интернационалната летна школа за когнитивна наука во Софија и ERASMUS програмата за математички методи во технологијата во Антверпен, Белгија. Во рамките на TEMPUS проект имала 3-месечен престој во Лувен, Белгија. Во текот на последните 15 години неколку пати имала стручен престој на Католичкиот универзитет во Лувен, Белгија, и на Мастрихт -универзитетот, Холандија. Била поканет предавач на Универзитетот во Мејн, САД. Во 2003-2005 година била раководител на Компјутерскиот центар на ИИ, а од 2005-2009 година била раководител на Заводот за програмско инженерство и раководела со активностите за промоција на ИИ. Почнувајќи од 2009-та година, таа е Раководител на Институтот за информатика. Член е на Здружението на информатичарите на Македонија и во неколку наврати била претседател на комисии за натпревари. Член е на Европското здружение за невронски мрежи. 

Рецензија - ЛИНК.
Одлука за избор - ЛИНК

Родена е 1980 година во Скопје. Дипломирала на Електротехничкиот факултет во Скопје во 2003 година. Магистрирала и докторирала на Факултетот за електротехника и информациски технологии во Скопје во 2007 и 2009 година, соодветно. Со работа на Институтот за компјутерска техника и информатика при Електротехничкиот факултет во Скопје почнала веднаш по дипломирањето во 2003 година со звање како помлад асистент. Во 2007 година е избрана во звањето асистент, а во 2009 за доцент. Има објавено над триесетина научни трудови. Автор е и на повеќе книги наменети за едукација во полето на користење апликативни програми. Има учествувано во повеќе домашни и меѓународни научни и апликативни проекти. Области на нејзин научно-истражувачки интерес се безжични мобилни ад хок мрежи, комплексни мрежи, компјутерски мрежи, апликативен софтвер, електромагнетна компатибилност.

Рецензија - ЛИНК.
Одлука за избор - ЛИНК

He was born in 1980 in Ohrid. He earned his bachelor and master degrees at the Faculty of Electrical Engineering in Skopje in 2004 and 2006. He completed his PhD studies at the Faculty of Electrical Engineering and Information Technologies in Skopje in 2009. During his studies he has been continually awarded for excellent performance. As the best student of his generation he has been awarded by the Faculty, University Ss. Cyril and Methodius and other organizations and foundations, including the Organization of Engineers of Macedonia that awarded him the "Golden engineering ring".
He gained his first professional experience at the Macedonian Telekom – T-Home, at the department for software and web development, during the period 2003-2005. He started working at the Institute for Computer Science and Engineering in the Faculty for Electrical Engineering in Skopje in 2005, initially as a laboratory demonstrator, and then as a junior assistant in 2006. He became an assistant in 2008, and in 2009, after completing his doctoral studies, he became an assistant professor. His teaching commitments included lectures in Structured Programming, Object-oriented programming, Programming Methodologies, Web Design, Computer Graphics, Computer Animation etc.
In his research work up until 2011 he has participated in more than 35 scientific papers in books, magazines and conference proceedings. The fields of his research interests include combinatorial optimization, heuristic algorithms, constraint programming, web development technologies, software testing, application of computer science in medicine and telemedicine, medical expert systems, knowledge extraction, machine learning. He is an author of one university textbook, and a reviewer of another one.
As an IT consultant he has been involved in analysis and development of several Enterprise Resource Planning (ERP) systems, University Information Systems, Web Content Management Systems, Document Management Systems, Online payment systems, Electronic time and attendance systems, banking applications, oil industry software. He has participated as an IT consultant in projects financed by the European Union (FP6, FP7, TEMPUS), non-government organizations (NDI).

Роден e 1971 година во Охрид. Основно и средно училиште завршил во Охрид. Во 1990 година се запишал на Военотехничкиот факултет во Загреб, каде што ја завршил првата година на студиите. Од академската 1991/92 година студиите ги продолжил во Скопје, на ИИ при ПМФ. Студиите ги завршил во 1996 година, со што се стекнал со звањето дипломиран инженер по информатика. По завршувањето на студиите работел како надворешен соработник - програмер во неколку софтверски куќи на развојот на поголеми информациони системи. Во 1997 година го отслужил воениот рок. Во академската 1997/98 година се запишал на постдипломски студии на ИИ, кои ги завршил во 2002 година, со одбрана на магистерскиот труд “Преименување на регистри”, под менторство на проф. д-р Марјан Гушев. Во 2009 година докторирал на тема "Процесни текови кај грид пресметувањата – управување, извршување и распределување” под менторство на Проф. Д–р Маргита Кон–Поповска. Во 1998 година бил избран за стручен соработник, во 2000 година за помлад асистент, а во 2003 година за асистент во Заводот за програмско инженерство при ИИ. Во 2009 година избран е за доцент на Институтот за информатика. Од 1999 до 2003 година ја извршувал функцијата в.д. раководител на Компјутерскиот центар при ИИ, а во 2005 година е избран за раководител на Компјутеркиот центар на ПМФ. Во 2009 повторно е избран за раководител на Компјутерскиот центар на ИИ, функција што и денес ја извршува.

Работи и како инструктор во регионалната CISCO-академија на Институтот за информатика. Држи настава по предметите: Структури на податоци и алгоритми, квалитет на софтвер и тестирање, микропроцесори и микрокомпјутери, проектирање на компјутерски мрежи, безжични мрежи, современи компјутерски системи, напредни алгоритми, грид и научно процесирање, интеграција на системи, софтверско инженерство за критични системи и др. Држел вежби по следниве предмети: архитектура на компјутерите, микропроцесори и микрокомпјутери, програмски јазици, структури на податоци, проектирање компјутерски мрежи, компјутерски мрежи, интернет, интернет-апликации, интерактивни апликации, учење со компјутери, современи компјутерски системи, бази на податоци за студентите по информатика, вовед во информатиката за студентите по географија, вовед во информатиката за студентите од Факултетот за земјоделски науки и храна и од Филозофскиот факултет. Во фокусот на неговите истражувања се инфраструктурите за колаборативно пресметување и истражување, а пред сè грид и системите за пресметување со високи перформанси. Негова цел е овие системи да се доближат кон сите потенцијални корисници, пред сè кон истражувачките заедници, за да може во целост да се искористи огромниот потенцијал што тие го нудат. Истражувал и во областите компјутерските архитектури и мрежи, софтверското инженерство, интернет-технологиите и електронското учење. Учествувал во реализацијата на преку 25 меѓународни проекти, финансирани од ТЕМПУС, ФАРЕ, ДААД и ФП програмата, а поврзани со развојот на информатичката инфраструктура и со информатичкото образование. Во моментов е координатор за Македонија на еден ФП7 проект, поврзан со процесирање со високи перформанси (High Performance Computing) HP-SEE. Автор е на преку 35 научни и стручни трудови објавени во меѓународни списанија и зборници од конференции, а одржал и над 25 презентации на научни и стручни собири и работилници. Член е на неколку здруженија од областа на иформатиката (IEEE, ICT-ACT).

Рецензија - ЛИНК.
Одлука за избор - ЛИНК

Роденa е 1974 година во Скопје. Основното и средното образование го завршила во Скопје, со континуиран одличен успех. На студиите по информатика на Институтот за Информатика при ПМФ, применета насока дипломирала во јуни 1997 со дипломска работа од областа криптографијата под наслов “Софтверска реализација на безбедна комуникација со C модули под UNIX” под менторство на проф. д-р Смиле Марковски, редовен професор на ПМФ. Во текот на школувањето примала стипендија за талентирани ученици и студенти. Во мај 2005 година јавно го одбранила нејзиниот магистерски труд под наслов „Квазигрупни трансформации и нивни примени“ под менторство на проф. д-р Смиле Марковски, а во ноември 2010 јавно ја одбранила и нејзината докторска теза под наслов “Квазигрупно процесирани низи, нивна Булова презентација и примена во криптогафијата и теоријата на кодирање” исто така под менторство на проф. д-р Смиле Марковски и се здобила со звањето доктор на информатички науки. Од април 2000 година е вработена како стручен соработник на Институтот за информатика при ПМФ. Во февруари 2011 година е избрана за доцент на Институтот за Информатика. Во текот на својот ангажман на Институтот за информатика, држела вежби по 14 предмети. Има подготвено електронски учебни материјали за повеќе предмети. Од странските јазици зборува и пишува англиски јазик, разбира германски и руски јазик. Научното поле на интерес е криптографијата, посебно квазигрупните трансформации и нивната примена во криптографијата. До сега има објавено 19 научни труда и има учествувано со свои излагања на преку 30 конференции, симпозиуми, конгреси, семинари, школи и работилници. Била еден од предавачите на школата “Algebraic Structures and their Applications in Codding theory and Cryptography” во Охрид, 2009 во рамки на DAAD проект. Има неколку академски престои: во Johannes Kepler University, во Линц, Австрија, во Бугарската Академија на науките, во Софија, Бугарија, во South Bank University во Лондон, Велика Британија и др. Била член во 8 домашни и меѓународни проекти. Покрај активната дејност во наставната и научно-истражувачката работа, има и голема стручно-професионална дејност. Има објавено 9 стручни труда, два технички извештаи и два постера за конференции. Ја има преведено и рецензирано книгата од областа на криптографијата “Практична криптографија”. Член е на Здружението ICT-ACT, на Здружението на Информатичарите на Македонија и на центарот за Дигитизација на Националното Наследство на Македонија на Институтот за информатика при ПМФ. Била член во организација на три меѓународни конференции и е уредник на проширената книга апстракти на една меѓународна конференција. 

Biljana Tojtovska is born in 1980 in Skopje. She has finished her primary and secondary education in Skopje. She was part of the Macedonian olympic team at the International mathematics olympiads for high school students. She took part in many Balkan and International olympiads, where she was awarded an honorable mention and 2 bronze medals. In 1999 she started her studies in pure mathematics at the Faculty of mathematics and natural sciences in Skopje. She graduated in 2004 with a 9.88 grade average. As a DAAD scholarship holder she continued with her Master studies in stochastics and financial mathematics at the Technical University of Kaiserslautern in Germany. In 2007, she completed her studies with 1.0 grade average, writing the thesis "Martingale decompositions with application in finance", having Prof. Dr. Ralf Korn as a supervisor. For her academic achievements she was recognized as the best student at the Department of mathematics. During her stay in Germany she has worked at the ITWM Fraunhofer Institut on the project "Asset liability managment". She took part in different seminars, including the "Equity derivatives" workshop, organized by Credit Suisse in Frankfurt. After her return in Macedonia she worked in the Ministry of Finance, in the Middle office of the Department of public debt of Macedonia. Since the beginning of 2009, she is working as a teaching assistant at the Institute of informatics in Skopje. She was part of the following lectures – linear algebra, discrete mathematics, calculus, probability and statistics, information theory, operation research, numerical mathematics. Her research interests are in the field of probability and statistics, stochastic differential equations and stochastic modeling with applications in different fields ( biology, medicine, finance, informatics ). She is a PhD student and works with Prof. Dr. Svetlana Jankovic, as a supervisor, on the topic of stability of  on models of stochastic neural networks. She has published several papers and took part in many international seminars, conferences and workshops. She also took in the organization of mathematics competitions in Macedonia.