Со длабока тага ја известуваме јавноста дека на 12.12.2020 година, почина
д-р Драган Михајлов
редовен професор во пензија на ФИНКИ во Скопје.
Со неговата смрт нашиот факултет, студентите и вработените загубија вреден и ценет професор и педагог од кого научивме многу и можевме уште многу да научиме.
Тој беше еден од основоположниците и доајените на Информатиката во нашата земја, еден од основачите на ФИНКИ, но пред се голем човек и ментор како за науката, така и за животот.
Од вработените и студентите на ФИНКИ.
Почитувани членови на IEEE, почитувани колеги,
Ни претставува особена чест и задоволство да Ве поканиме на предавањето на м-р Дарио Стојановски на тема „Recent Findings and Advances in Context-Aware and Unsupervised Neural Machine Translation“ што ќе се одржи online, преку платформата Zoom, на 16.12.2020 од 18:00 часот.
Предавањето ќе се реализира како заеднички настан на локалните оддели за компјутери, едукација, роботика и автоматика, системи, човек и кибернетика, телекомуникации и теорија на информации при Македонската секција на IEEE, групата Data Science Macedonia, како и Факултетот за информатички науки и компјутерско инженерство (ФИНКИ) и Факултетот за Електротехника и информациски технологии (ФЕИТ).
Повеќе информации за настанот, темата и предавачот можете да најдете на овој линк. Присуството на настанот е бесплатно и слободно за сите заинтересирани, а пожелно е да се регистирате на овој линк.
На настанот може да се вклучите преку овој линк.
Ве очекуваме!
Почитувани студенти,
Од Изборната комисија
Комеморативната седница по повод смртта на професорот Драган Михајлов ќе се одржи на 25 Декември 2020 (петок) со почеток во 12 часот, онлајн, на платформата MS Teams, на следниот линк.
Професор доктор Драган Михајлов беше наставник и научник во областа на информатиката и компјутерското инженерство и еден од основоположниците на студиите по информатика во државата.
По кусо боледување, почина на 12 Декември годинава, со што академската заедница загуби почитуван и драг колега.
Професор Михајлов е роден на 2ри Јануари 1949 во Скопје.
Дипломирал и магистрирал на Електротехничкиот факултет во Загреб во 1973 и 1975 година, а докторирал на Електротехничкиот факултет во Љубљана 1979 година.
Во периодот од 1973 до 1983 година работел во Математичкиот институт со нумерички центар при универзитетот „Св. Кирил и Методиј“, каде во 1982 година е избран за доцент. На Електротехничкиот факултеот во Скопје е вработен во 1983 како доцент. Во звањата вонреден и редовен професор бил биран во 1987 и 1992 година, соодветно. Во текот на својата работа имал повеќемесечни студиски престои на Електротехничкиот факултет во Загреб во 1974 година, на Електротехничкиот факултет во Љубљана во 1978 и на Одделот за биоматематика на Универзитетот на Калифорнија во Лос Анџелес во учебната 1984-1985 година.
Држел настава по разни предмети од областите на интерес на додипломски и магистерски студии на повеќе факултети (Природно-математички факултет, Воена академија, Медицински факултет, Факултет за физичка култура, Факултет за драмски уметности, Институт за социолошки и политичко правни истражувања). Автор и коавтор е на повеќе од 150 трудови објавени на меѓународни конференции и списанија. Раководел и учествувал во повеќе научно-истражувачки и стручни проекти.
