Резултати од пребарување
Во согласност со Конкурсот за запишување студенти на втор циклус студии на студиските програми на Универзитетот „Св. Кирил и Методиј“ во учебната 2017/18 година, пријавувањето на кандидатите на Факултетот за информатички науки и компјутерско инженерство ќе се одржи во периодот од 11-ти септември до 9-ти октомври 2017 година секој работен ден од 9 до 14.30 часот. ФИНКИ обезбедува стипендии за ослободување од школарината до 30% за запишување на втор циклус на студии за студентите кои дипломирале на ФИНКИ. Повеќе информации за стипендиите може да погледнете на следниот линк.
Согласно Конкурсот, Факултетот за информатички науки и компјутерско инженерство во учебната 2017/2018 година ќе запише вкупно 432 студенти на втор циклус студии. Заинтересираните кандидати ќе можат да одберат да се запишат на една од понудените студиски програми на ФИНКИ.
На 20.09.2017 со почеток од 19.00 часот во просториите на ФИНКИ, односно во Регионалниот центар за социјални иновации, ќе се одржи TEDxSeptemvriskaSesijaSalo
Со темата "Car Sharing: Иднината на транспортот" (Car Sharing: The future of transport) ќе стане збор за мотивот позади споделувањето на возила. Исто така, ќе се дискутира и за успешните примери од странство и Македонија, за општественото и економското влијание од ваквите промени. Целта е да се разменат мислења и знаење за процесите преку кои ваквите иновации може да станат подобри, односно како со помали трошоци до поголема ефикасност и одржливост преку имплементација на нови методи и технологии.
Линк до официјалниот настан на TED.com:
https://www.ted.com/tedx/
Линк до настанот на Facebook тука.
Во вторник (19.9.2017) во 14.00 часот во aмфитеатарот на ФИНКИ ќе се одржи покането предавање на тема "Success with EU Proposals. Предавањето ќе го одржи Richard Wheeler, експерт за вештачка интелигенција со долгогодишно искуство во менаџирање на ЕУ проекти. Предавањето ќе биде во форма на работилница на која ќе бидат презентирани повеќе практични примери, како и добри практики и совети за успех при аплицирање за ЕУ проекти.
Повеќе детали за предавањето и предавачот може да погледнете во прилог.
Abstract: In this workshop Richard Wheeler will present everything he knows about winning EU proposals, providing a comprehensive and practical insider's view of how to engineer funded proposals. The talk will be in the form of a workshop, with many examples given, going section by section describing best practice and tips for success, and will include how to write in the appropriate style, how to choose calls, how to position your research for maximal chances of success, and how to compose the perfect research case.
About the Presenter: Richard Wheeler is an expert in artificial intelligence and an experienced EU project manager, and is also Chair or Vice-Chair of a number of EU call.
Почитувани бруцоши, ни претставува особена чест да ве поканиме да присуствувате на свечениот час за академската 2017/2018 година на Факултетот за информатички науки и компјутерско инженерство при Универзитетот „Св. Кирил и Методиј“ во Скопје.
Свечениот час ќе се одржи во Кино Милениум на 18.09.2017 година, со почеток во 11:30 часот.
Редовната настава на факултетот започнува истиот ден и распоредот ќе биде дополнително објавен.
Пријавувањето на кандидатите за првиот уписен рок на Факултетот за информатички науки и компјутерско инженерство ќе се одржи на 17-ти и 18-ти август 2017 година (9:00 - 14.30 часот).
Секој заинтересиран кандидат треба да се најави на www.upisi.ukim.mk и да ја пополни комплетната пријава. Потоа на денот на уписите се доставуваат документите заедно со бројот од електронската апликација.
Повеќе информации за уписите може да следите на порталот на идни студенти на ФИНКИ join.finki.ukim.mk и на сајтот на ФИНКИ во делот уписи на додипломски студии.
На 6-ти мај 2017 година (сабота) на Факултетот за информатички науки и компјутерско инженерство се одржа Отворен ден, на коj идните студенти имаа можност директно да се запознаат со можностите за студирање на Факултетот.
Идните студенти го запознаа кампусот на ФИНКИ преку посета на просториите на ФИНКИ, суперкомпјутерот на ФИНКИ, а имаа и можност да присуствуваат на летање на дронови. Пред идните студенти свое обраќање имаше Деканот на ФИНКИ.
На 6-ти мај 2017 година (сабота) со почеток во 11 часот, Факултетот за информатички науки и компјутерско инженерство организира Отворен ден, на коj идните студенти ќе имаат уште една можност директно да се запознаат со можностите за студирање на Факултетот. Отворениот ден ќе се одржи во просториите на ФИНКИ - на техничко-технолошкиот кампус, во Карпош 2.
Ги повикуваме сите матуранти да дојдат и заедно со своите постари колеги од ФИНКИ од прва рака да се запознаат со Факултетот, со начинот, условите и можностите за студирање, со студиските програми, со лабораториите, просториите за предавање, итн.
Секако, како и секогаш и овој пат неизоставен дел ќе биде и забавата и игрите. Подетални информации за настанот можете да најдете на веб страната на ФИНКИ.
Останете во тек со случувањата и поврзете се со нас преку Facebook.
Ве очекуваме!
Саемот за вработување и пракса „Контакт 2017“ е отворен за сите студенти на УКИМ на кои им нуди можност да си ги подобрат своите меки вештини, да се запознаат со кариерните можности и актуелните побарувања. Студентите во секој момент може да ги посетат компаниите кои се во холот на техничките факултети (ФЕИТ/МФС/ФИНКИ/ТМФ).
Овогодинешниот Саем за вработување и пракса „Контакт 2017“ се состои од 2 едукативни модули кои се БЕСПЛАТНИ за сите студенти на УКИМ. Едукативниот дел е поддржан од МОТИВА - Центар за менаџмент консалтинг образование и обука. Повеќе информации и пријавување за модулите може да најдете тука: https://goo.gl/forms/Vq7Md6FNlVmwmYjB2
На саемскиот дел ќе имате можност да го искористите своето ново добиено знаење од модулите и полесно да добиете пракса или работа во фирмата во која посакувате.
Опфаќајќи ги сите студенти , со акцент на техничките факултети, настанот има за цел да ги поврзе работодавците со студентите, преку овозможување директна промоција на компаниите од една страна и претставување на искуството и знаењата на студентите (дирекно или преку оставање на CV) од друга страна.
Повеќе информации за настанот може да најдете на kontakt@kontakt.org.mk, http://kontakt.org.mk/, на официјалната фан страна и на евентот.
Во периодот од 7-ми до 9-ти април во Маврово се одржа 14-тата интернационална конференција за информатика и информатички технологии (CiiT 2017) организирана од Факултетот за информатички науки и компјутерско инженерство (ФИНКИ).
Во склоп на конференцијата поканети предавања одржаа:
- проф. Смиле Марковски, професор на ФИНКИ во пензија со предавање на тема "Probabilistic quasigroups";
- Весна Прчковска, PhD, еден од основачите на компанијата Mint Labs во Барселона, Шпанија со предавање на тема "Seeing the brain: How neuroimaging transforms the diagnosis and treatment of patients with brain disorders";
- Огњен Шќекиќ, PhD, постдок истажувач на Институтот за информациски системи во Виена со предавање на тема "Cyber-Human Smart Cities: The Internet of Things, People and Systems";
- Ана Таневска, MSc, PhD студент на италијанскиот Институт за технологија (IIT) во Италија со студентско предавање на тема "Towards autonomous and cognitive human-robot interaction".
На конференцијата беа презентирани повеќе од 50 трудови, меѓу кои најдобрите студенски трудови добија пофалници и награди.
Генерални покровители на конференцијата беа Македонски Телеком АД Скопје, Nextsense, Sorsix, Software4Insurance, Macedonian Winemakers и Пивара Скопје.
Факултетот за информатички науки и компјутерско инженерство (ФИНКИ) под мотото „Дојди, научи, создај!" успешно ги претстави своите студиски програми на отворениот ден при Универзитетот „Св. Кирил и Методиј“ во Скопје.
Голем број на средношколци го посетија штандот на ФИНКИ и се информираа за условите, квотите и можностите на ФИНКИ. Заинтересираните ученици беа пречекани од професори и асистенти од ФИНКИ, како и претставници од Студентскиот парламент на ФИНКИ. Посетителите имаа можност да дознаат повеќе за предностите на Европскиот кредит трансфер систем, да бидат запознаени со дел од кадарот на Факултетот и неговите студенти, со бенефициите од дипломата која претставува синоним за успех и која ќе овозможува успешна кариера, како и системот преку кој е многу лесно да се учествува во пракса во земјава и странство.
Вистинска атракција за присутните беше и летањето на дроновите на ФИНКИ кои направија неколку фотографии од посетителите на Отворениот ден.
ФИНКИ во учебната 2017/2018 година ќе ги отвори вратите за повеќе од 900 средношколци кои ќе имаат можност да изберат една од понудените насоките на ФИНКИ: компјутерски науки и инженерство на македонски или англиски јазик, мрежни технологии, примена на е-технологии, компјутерска едукација, информатика и компјутерско инженерство или академски студии по информатика.
