Balkathon е регионален онлајн натпревар организиран од RCC од 2020 година. Balkathon 5.0 ќе се фокусира на нови, иновативни и бизнис-ориентирани дигитални идеи и решенија. Отворен е за тимови составени од луѓе до 35 години кои доаѓаат од Западен Балкан, а особено ги охрабрува да аплицираат и средношколските тимови. Ако сакате да ги претворите вашите идеи во ремек-дела, вие сте на вистинското место. Пријавете се со вашата идеја за Balkathon 5.0 и освојте една од наградите од наградниот фонд од 50.000 евра.

• Учесниците можат да се пријават само како тим;
• Тимовите се охрабруваат да бидат составени од членови кои живеат во повеќе од една економија (држава) од Западен Балкан;
• Членовите на тимот не треба да бидат постари од 35 години;
• Тимовите кои се натпреваруваат за главната награда се охрабруваат да бидат составени од квалификувани поединци како што се студенти; правни лица, вклучително и старт-ап; и невладини и образовни институции;
• Тимовите од средните училишта можат да бидат составени како група средношколци од исти или различни средни училишта, со најмногу 7 члена.

Повеќе информации за натпреварот можете да добиете на линкот: https://www.rcc.int/balkathon/

Ни претставува голема чест и задоволство, како ценета и реномирана образовна институција да ве информираме дека А1 Македонија и оваа година, четврти пат по ред ја имплементира  програмата за платена пракса, A1 WayUp.

Во оваа прилика го најавуваме почетокот на пријавувањето за сите заинтересирани кандидати кои ги исполнуваат условите. Повикот е отворен за 10 дипломци кои дипломирале во последните 12 месеци или кои годинава ќе ги завршат своите студии, а својата кариера сакаат да ја градат во А1 Македонија во една од следниве области: автоматизација, анализа на податоци, визуелизација на податоци, ИТ Инфраструктура, Бизнис Маркетинг, Технички сервиси и др.

Доколку бидат избрани, кандидатите ќе имаат можност да започнат да го градат својот кариерен пат со работа на реални проекти заедно со нашите искусни тимови, од кои ќе добијат целосна поддршка и едукација за да ги усовршат своите знаења и да стекнат нови вештини.

Периодот за аплицирање започнува од 25 јуни и трае до 28 јули 2024 година, а сите заинтересирани може да испратат кратка биографија и преку формулар да се пријават за една од позициите предвидени во оваа програма. Процесот на селекција ќе се изврши во согласност со потребните компетенции и вештини на кандидатите, дополнителна евалуација на компетенции и тестови за лични карактеристики, а селектираните кандидати ќе бидат повикани на финално интервју за детално запознавање со сите услови за работа.

Програмата е платена и трае 6 месеци, со полно работно време од 40 часа, а започнува на 01.10.2024. Практикантите ќе имаат можност да работат на проекти поврзани со автоматизација, анализа на податоци и визуелизација, мрежна инфраструктура, Бизнис маркетинг, Технички сервиси и др.

Целта на A1 WayUp е да им пружи на младите богато работно искуство исполнето со предизвици во најактуелните теми на денешницата – Data, IT, Cloud & Infrastructure итн. Веруваме дека оваа програма би била интересна за Вашите студенти, па затоа би сакале да Ве замолиме да ги известите преку Вашите канали за комуникација и да ги мотивирате да аплицираат за програмата.

Сите заинтересирани кандидати може да се пријават на следниот линк и да бидат дел од A1 WayUp – Generation ’24.

Scalefocus е компанија за развој на софтвер и дигитални услуги со мисија да им помогне на бизнисите да растат преку користење на врвни технологии и врвни инженерски таленти. Ние сме светска организација со глобална перспектива и докажано искуство во иновациите за компаниите во Северна Америка, Европа и Блискиот Исток.

Доколку барате пракса и сте заинтересирани за некоја од следниве технологии Java, DevOps и Android, аплицирајте на следните линкови. 

Java - https://www.scalefocus.com/positions/internship-java
DevOps - https://www.scalefocus.com/positions/internship-devops
Android - https://www.scalefocus.com/positions/internship-android