Роден е 1986 година во Скопје, каде има завршено основно и средно образование. Во учебната 2004-2005 година се запишува на Правниот факултет „Јустинијан Први“, во состав на Универзитет „Св. Кирил и Методиј“ во Скопје, отсек Правни студии. Во 2008 година дипломира и се стекнува со звање дипломиран правник – Bachelor of Law (L.L.B.). Истата година запишува магистерски последипломски студии на Правниот факултет „Јустинијан Први“, во состав на Универзитет „Св. Кирил и Методиј“ во Скопје, насока Финансии и финансово право. Во 2010 година се стекнува со титулата специјалист по право – насока финансии и финансово право - предмагистерска титула. Магистрирал на истиот факултет во мај 2011 година, со одбрана на својот магистерски труд под наслов „Лошото корпоративно управување проследено низ скандалите кои го потресоа светскиот финансиски сектор во 2008 година“, под менторство на проф. д-р Тито Беличанец и се стекнува со титулата магистер по право – Master of Law (L.L.M). Магистерскиот труд му е од областа на финансовото право. Своето прво работно искуство го стекнал во Фирмата за консултантски услуги Милд консалтинг, каде ги обавувал правно-административните работи во период од 01.06.2007 до 31.05.2008 година. На 01.06.2008 година е ангажиран од Фирмата Еуролигнит - Друштво за производство и трговија на јаглен и глина каде останува до 31.01.2009 година. Во периодот од 01.02.2009 до 30.06.2011 година работи на Технолошко-металуршкиот факултет во Скопје, на работно место референт во административно-правна служба. Одреден период во 2011 година има работено во Дирекција за правни работи во Уни Банка, на работно место референт во правна служба како и стажирано во Адвокатската канцеларија „Илиевски“. Од Ноември 2011 година работи на Факултетот за информатички науки и компјутерско инженерство во Скопје на позиција референт за правни работи, а од 01.12.2012 е избран за Секретар на Факултетот. Во текот на својата работа посетува повеќе обуки за доквалификација и стекнува сертификат за заштита на лични податоци од областа на образованието, сертификат за работа на јавни набавки.

Родена 1985 година во Радовиш, каде има завршено основно и средно образование. Во учебната 2004/05 се запишува на Правниот факултет „Јустинијан први“, при Универзитетот „Св. Кирил и Методиј“ во Скопје. Последната година од студирањето се определува за кривично-правната група, каде дипломира во 2009 година и се стекнува со звањето дипломиран правник. Истата година се запишува на последипломски студии на Факултетот за правни науки при Европскиот универзитет во Скопје, група Меѓународно право и меѓународни односи. Магистрира во 2011 година во областа човекови права и се стекнува со звањето магистер на правни науки. Како приправник се усовршува во Основно јавно обвинителство во Радовиш и во Адвокатска канцеларија на адвокат Ванчо Шехтански во Скопје. Има учествувано во проекти на T-Home, како супервизор на маркетинг, а била дел и од interexchange програми за студенти во Америка. Во 2011 година се вработува на Факултетот за информатички науки и компјутерско инженерство во Скопје. Како дел од службата за општи и правни работи на Факултетот зема учество на семинари за заштита на лични податоци, здобивајќи се со сертификат за заштита на лични податоци. Посетува обуки и за работењето на Информациониот систем за управување со човечки ресурси, во организација на Министерство за информатичко општество и администрација. Како лице со сертификат за работа со јавни набавки, од 2012 год. е назначена за одговорно лице на Факултетот да ги води постапките за јавни набавки кои се од интерес за Факултетот како договорен орган а сето тоа во согласност со Правниот систем на РМ и Кодексот на однесување при спроведување на јавните набавки. По спроведеното советување за Законот за заштита од вознемирување на работно место (мобинг) во организација на Здружението на правници на РМ, се збодива и со сертификат од оваа област, стекнувајќи се со правото на посредник во спорови од овој тип. Во 2013 год. е назначена за Раководител на правната служба на Факултетот. Се стекнува со Уверение за положен Правосуден испит, издадено од Министерство за правда на РМ.

Родена е 1978 година. Основно и средно образование завршила во Скопје со одличен успех. На Природно-математичкиот факултет во Скопје на Институтот по информатика, применета насока, се запишала во академската 1996/97 година. Дипломирала во 2001 година, со среден успех 9.94, како најдобар дипломиран студент во генерација на Институтот за информатика, стекнувајќи се со звање дипломиран инженер по информатика. На постдипломски студии по математика се запишала во академската 2002/2003 година, а ги завршила во 2009 со одбрана на магистерскиот труд “Кодови за откривање грешки и примена на квазигрупи за нивно дизајнирање”. Докторската дисертација од областа на теоријата на кодирање ја одбранила во 2015 на Факултетот за информатички науки и компјутерско инженерство - ФИНКИ.

Во зимскиот семестар во академската 2001/2002 година била демонстратор, во 2002 година била избрана за помлад асистент, а во 2009 за асистент на Институтот за информатика при ПМФ. Од 2011 до 2015 била асистент на Факултетот за информатички науки и компјутерско инженерство - ФИНКИ, а во 2015 е избрана во доцент на истиот факултет. Има држено вежби по дваесетина предмети од различни области на студентите на ФИНКИ, како и на студентите на Институтот за информатика и Институтот за математика при ПМФ, Скопје: дискретна математика 1, дискретна математика 2, веројатност и статистика, дискретни структури 1, дискретни структури 2, дискретни структури 3, веројатност, теорија на веројатност, алгебра, алгебарски дискретни структури, множества и логика, линеарна алгебра, вектори и матрици, теорија на информации, основи на теорија на информации, основи на програмирање, бази на податоци, математички методи за информатичари, математичка статистика, функции со повеќе променливи, математичка анализа, програмирање на сметачки машини, компјутерски практикум II, компјутерски практикум III. Како наставник држи предавања по Дискретна математика 1, Дискретна математика 2 и Веројатност и статистика на студентите на ФИНКИ. Има напишано неколку скрипти достапни за студентите во електронска форма преку соодветни web страни. Учествувала на дваесетина конгреси, конференции, работилници, школи и курсеви во земјата и странство. Била учесник во неколку научно-истражувачки проекти и е автор повеќе научни труда.

Рецензија - ЛИНК.
Одлука за избор - ЛИНК

Natasha Ilievska was born in 1978. She enrolled the University Ss. Cyril and Methodius, Faculty of Natural Sciences and Mathematics, Institute for Informatics in 1996/97. She graduated in 2001 with grade average 9.94 and was awarded for best graduated student at the Institute for Informatics. She enrolled the Master studies at the Faculty of Natural Sciences and Mathematics, Institute for Mathematics in 2002/2003. After passing all exams with an average grade 10.00, in 2009 she obtained M.Sc. degree with defense of the thesis entitled "Error-Detecting Codes and Application of Quasigroups in their Design". In 2015 she received her Ph.D. degree at the University Ss. Cyril and Methodius, Faculty of Computer Science and Engineering. Her doctoral dissertation is in the field of coding theory.

In 2002 she was elected as young research and teaching assistant at the Faculty of Natural Sciences and Mathematics, Institute for Informatics, while in 2009 in assistant at the same Faculty. She was assistant at the Faculty of Computer Science and Engineering - FCSE from 2011 to 2015. In 2015 she was elected as assistant professor at the same Faculty. She has held exercises in many courses: discrete mathematics 1, discrete mathematics 2, probability and statistics, discrete structures 1, discrete structures 2, discrete structures 3, probability, probability theory, algebra, algebraic discrete structures, sets and logic, linear algebra,  vectors and matrices, information theory, basics of the information theory, basics of programing, data bases, mathematical methods for informaticians, mathematical statistics, functions of several variables, mathematical analyses, computer programing, computer practicum II, computer practicum III. As assistant professor she holds lectures in discrete mathematics 1, discrete mathematics 2 and probability and statistics to the students of the FCSE. She has written several scripts available for students in an electronic form through the appropriate web pages. She has participated on many conferences, congresses, workshops, schools and courses. She was participant in several research projects and she has published 15 scientific papers. 

Мила Додевска е родена во Скопје, Република Македонија. Средното образование го завршила во СУГС Гимназија „Раде Јовчевски - Корчагин“ во Скопје, со континуиран одличен успех. Во 2019 година се запишува на додипломски студии на Факултетот за Информатички науки и Компјутерско инженерство - насока Примена на информациски технологии. Дипломира во 2023 година, под менторство на проф. д-р Петре Ламески.

Во учебната 2023/24 се запишува на магистерски студии на Факултетот за Информатички науки и Компјутерско инженерство, насока Софтвер за вградливи системи. Одржува аудиториски вежби и лабораториски вежби по предметите: Напреден веб дизајн, Мобилни информациски системи, Мобилни платформи и програмирање, Концепти на информатичко општество, Дигитални библиотеки, Дизајн на интеракција човек-компјутер, Медиуми и комуникации.

Марија Танеска е родена во 2000 година во Охрид. Основно и средно образование завршила во Охрид со континуриан одличен успех. Своето образование во 2019 година го продолжува на додипломските студии на Факултетот за информатички науки и компјутерско инженерство - Скопје, на насоката Интернет, мрежи и безбедност. Дипломирала во 2023 година со дипломскиот труд "Само-суверен идентитет (SSI) – револуција кон управувањето со дигиталниот идентитет". Истата година се запишала на постдипломски студии на Факултетот за информатички науки и компјутерско инженерство, на насоката Безбедност, криптографија и кодирање.

Во октомври 2023 година е избрана за демонстратор и изведува аудиториски и лабораториски вежби по предметите Компјутерски мрежи и безбедност, Вовед во компјутерски науки, Информациска безбедност, Архитектура и организација на компјутери,
Објектно-ориентирано програмирање и Администрација на мрежи.

Марија Стојчева е родена во 2002 година во Скопје. На додипломски студии на Факултетот за информатички науки и компјутерско инженерство се запишала во 2020 година, на насоката Software Engineering and Information Systems. Во текот на студирањето е наградувана како дел од најдобрите студенти на ФИНКИ и ангажирана како лаборант на факултетот. Дипломира во 2024 год. со просечна оцена 9,82, со дипломски труд на тема „Examining Air Pollution Awareness in Macedonia: A Three-Year Comparative Social Media Study“ под ментроство на проф. д-р Бојана Котеска. Истата година се запишала на постдипломски студии на ФИНКИ, на насоката Data science in computer science and engineering.
Области на нејзин научно-истражувачки интерес се: обработка на природни јазици, машинско учење, длабоко учење и софтверско инженерство.