Global Game Jam е најголемиот интернационален настан за креирање на игри кој се одржува еднаш годишно, истовремено на повеќе локации низ целиот свет во вид на 48 часовен маратон. Како дел од International Game Developers Association (IGDA) неговата цел е да ги обедини сите кои креираат или имаат желба да креираат игри и да поттикне креативност, соработка и експериментирање. Во 2017 година на Global Game Jam се сретнаа 36.000 џемери, се одржа на 702 локации во 95 земји и беа создадени преку 7.000 игри.

Македонија го започна своето учество во 2013 година со локации во Скопје и Битола. Во изминатите пет години интересот за учество беше изненадувачки голем. На него досега се сретнаа скоро 1200 учесници - професионалци, студенти, средношколци и ентузијасти од различни сфери за заедно да креираат игри, разменуваат знаење и остваруваат контакти. Досега се создадени 121 видео игрa во прототип, од кои некои продолжија да се развиваат во комерцијални продукти.

Македонија беше на 5то место во светот по бројот на игри создадени на нашиот настан по глава на жител. Оваа година сакаме да го подобриме тој пласман, преку зголемување на бројот на учесници.

Global Game Jam Macedonia 2018 се очекува да има преку 300 учесници на локациите. За нив организаторите ќе обезбедат непрекинат интернет пристап, храна, пијалаци, простор за работа, простор за рекреација и простор за одмор. Очекуваме да продефилира публика од над 2000 луѓе за време на отварањето и затварањето, како и во текот на настанот.

Global Game Jam во Скопје го организира МАГДА (Македонска Асоцијација за развивање на игри) и оваа година ќе се одржи во просториите на Факултетот за информатички науки и компјутерско инженерство - ФИНКИ. За учесниците е обезбеден непрекинат интернет пристап, храна, пијалаци, простор за работа, простор за рекреација и простор за одмор. Во текот на работата ментори од ќе им помагаат на учесниците и ќе одржуваат кратки предавања. За најиновативните тимови и поединци се обезбедени награди.

Повеќе информации за настанот како и фотографии од претходните години може да се добијат на нашата web страна: http://gamejam.mk

Global Game Jam е најголемиот интернационален настан за креирање  и правење на игри кој се одржува еднаш годишно, истовремено на голем број локации низ целиот свет во вид на 48­ часовен маратон. Како дел од International Game Developers Association (IGDA) неговата цел е да ги обедини сите кои креираат или имаат желба да креираат игри и да поттикне креативност, соработка и експериментирање. Во 2016 година Global Game Jam се одржа на 611 локации во 93 земји и беа создадени преку 6866 игри.

Македонија го започна своето учество во 2013 година со локации во Скопје и Битола, а од оваа година и во Охрид. Oрганизиратор е Македонската асоцијација за развивање на игри – МАГДА. Во изминатите три години интересот за учество беше изненадувачки голем. На него досега се сретнаа скоро 800 учесници – ентузијасти, средношколци, студенти и професионалци од различни сфери за заедно да креираат игри, разменуваат знаење, остваруваат контакти и да се дружат и играат. Досега се создадени 104 видео игри во прототип, од кои некои продолжија да се развиваат во комерцијални продукти.

Во 2016, Македонија беше на 5то место во светот по бројот на игри создадени на нашиот настан по глава на жител. Оваа година сакаме да го подобриме тој пласман, преку зголемување на бројот на учесници.

Global Game Jam во Скопје и Битола го организира МАГДА (Македонска Асоцијација за развивање на игри), а оваа година ќе се одржи во просториите на Факултетот за информатички науки и компјутерско инженерство (ФИНКИ) во Скопје и Совет на Општина Битола во Битола. Учесниците се од сите профили: цртачи, музичари, 3д моделери, програмери, гизајнери и саунд инженери па се до љубители на игри. За сите учесници обезбеден е непрекинат интернет пристап, храна, пијалаци, простор за работа и простор за рекреација и одмор. Во текот на работата ментори од компанијата ShadowGrid ќе им помагаат на учесниците и ќе одржуваат кратки предавања. За најиновативните тимови и поединци се обезбедени награди.

Повеќе информации за настанот како и фотографии од претходните години може да се добијат на следната web страна: http://gamejam.mk

Курсевите CISCO CCNA (CCNA1 R&S - Introduction to Networks) почнуваат од четврток, 25.10.2018 во 16ч. во просторија 116 на Финки. 

Сите заинтересирани студенти што сè уште не се пријавени, да се пријават на емаил најдоцна до четврток, 25.10.2018, до 12ч. за да бидат навреме вклучени.

Во прилог се детали за курсевите:

***************************************************************************************************

Во рамките на CISCO академијата на ФИНКИ, од октомври 2017 се организираат најновите курсеви од програмата на CISCO – CCNA R&S 1 и 2 (Routing and Switching, Верзија 6.0), наместо досегашните Cisco CCNA Exploration.

Истите се изведуваат како вон курикуларна настава и цената за студенти на ФИНКИ за курсевите CCNA R&S 1 (Introduction to Networks) и CCNA R&S 2 (Routing and Switching Essentials) заедно е 9999 денари за двата курса (се уплаќаат на две месечни рати 5499 + 4500 на сметката на факултетот). Цената на курсевите во други академии во Македонија и странство е неколку пати повисока. За успешно положување на секој курс, студентите ќе добијат 2 кредити согласно ЕКТС еквиваленција (70 часови активност за секој CCNA 1, 2, 3, 4 курс посебно).  Најголемиот број на кредити што секој студент може да ги добие од вон курикуларна настава во текот на своето студирање е 6 кредити.

Заинтересираните студенти можат да се пријават или да добијат дополнителни информации кај м-р. Кирил Ќироски kiril.kjiroski@finki.ukim.mk

.

Детали за курсевите:

Курсевите се официјални од CISCO и ги предаваат само CISCO инструктори на македонски. Академијата има неколку инструктори кои што ги предаваат курсевите од CISCO. Истите се организирани како блок часови предавања и блок часови лабораториски вежби со работа на опрема и симулатор.

Полагањето на секој поединечен курс се изведува на 2 дела: финален испит и практичен испит. Финалниот испит е клик тест и истиот се изведува на англиски (и неколку други странски јазици) на сајтот на CISCO https://cisco.netacad.com/, додека практичниот дел се полага во симулаторот од CISCO – Packet Tracer 6.

Во текот на курсот секој студент секоја недела добива домашни. Секој курс е организиран во модули (11 по курс) и неделно се поминуваат просечно по 2 модули.

Секој студент добива пристап до онлајн материјалите за учење од сајтот на курсот (на англиски, официјални од CISCO), како и официјалните студентски материјали за лабораториски вежби, видеа, задачи предизвици, квизови и други помагала за учење.

По положување на двата курса, студентот се здобива со можност за полагање на сертификатот CCENT (Cisco Certified Entry Networking Technician).

Информација за понатамошните курсеви CCNA 3 и 4:

Преостанатите курсеви за CCNA R&S, 3 и 4 вообичаено се организираат во летниот семестар. Доколку има заинтересирани студенти (минимум 6), може да се организира група и во овој (зимски) семестар за CCNA 3 и 4.

По положување на четирите курса CCNA R & S се добива можност за полагање на CCNA R & S сертификат (Cisco Certified Network Associate Routing and Switching).