Горан Велинов ја одбранил својата докторска дисертација од областа на Информатички науки во 2008 година (под наслов „Обопштување и подобрување на оптимизациските процеси кај релационите податочни складови“) на Природно – математичкиот факултет на Универзитетот Св. Кирил и Методиј во Скопје. Во 2009 година е избран во насловен доцент на Природно – математичкиот факултет во Скопје, додека во 2010 е избран во доцент на Факултетот за информатички науки и компјутерско инженерство (ФИНКИ), каде што предава Напредни бази на податоци. Тој има објавено бројни трудови во списанија и меѓународни конференции, главно во областа на складови на податоци и оптимизација. Тој има учествувано во неколку меѓународни проекти, како што се ELISA, INTERREG IIIB CADSES, 2006-2008; SEE-GRID, 6FP IST проект, 2004-2006; SEE-GRID2, 7FP IST проект, 2006-2008 и др. Неговите истражувачки интереси се насочени кон дизајн и имплементација на складови на податоци, моделирање на податоци, особено повеќедимензионално моделирање, како и бизнис интелигентни системи.

Рецензија - ЛИНК.
Одлука за избор - ЛИНК

Родена е 1967 година во Скопје. Основно и средно образование завршила во Скопје. Во 1991 година дипломирала на Институтот за информатика при ПМФ во Скопје како најдобар дипломиран студент во тековната академска година. На Институтот за информатика почнала и да работи како стручен соработник во 1992 година. Во 1996 година магистрирала на темата „Модификација на повеќеслојни невронски мрежи без повратни врски и нивно изучување“ (магистер по информатички науки), а во 2003-тата ја одбранила докторската дисертација под наслов “Препознавање облици со примена на машините со поддржувачки вектори и повеќеслојните невронски мрежи без повратни врски“ (доктор на информатички науки), на ИИ, ПМФ. Од пролетта 2004 работи како доцент на Институтот за информатика и држи настава по предметите: интелигентни системи, биоинформатика, основи на оперативните системи, основи на програмирање, објектно и визуелно програмирање, методика на информатичката настава, практикум, информациски технологии во образованието. Наставник е и на постдипломските студии по информатика и биологија. Главно подрачје на научен интерес на проф. Мадевска-Богданова е областа на вештачките интелигентни системи - препознавање облици, биоинформатика, податочно рударење, а работи и на формализираното претставување на знаење и на методиката на наставата по информатика. Објавила 40-тина трудови од областите на нејзиниот интерес во книги списанија со импакт фактор, меѓународни списанија и зборници на трудови од меѓународни и домашни конференции. Досега објавила неколку учебни помагала, како и материјали за сите курсеви кои ги одржувала. Била уредник во списанието Бит+, во издание на ИИ. Учествувала во вкупно 7 домашни и 8 меѓународни научноистражувачки проекти. Мадевска-Богданова престојувала на неколку странски универзитети. Ги следела Интернационалната летна школа за когнитивна наука во Софија и ERASMUS програмата за математички методи во технологијата во Антверпен, Белгија. Во рамките на TEMPUS проект имала 3-месечен престој во Лувен, Белгија. Во текот на последните 15 години неколку пати имала стручен престој на Католичкиот универзитет во Лувен, Белгија, и на Мастрихт -универзитетот, Холандија. Била поканет предавач на Универзитетот во Мејн, САД. Во 2003-2005 година била раководител на Компјутерскиот центар на ИИ, а од 2005-2009 година била раководител на Заводот за програмско инженерство и раководела со активностите за промоција на ИИ. Почнувајќи од 2009-та година, таа е Раководител на Институтот за информатика. Член е на Здружението на информатичарите на Македонија и во неколку наврати била претседател на комисии за натпревари. Член е на Европското здружение за невронски мрежи. 

Рецензија - ЛИНК.
Одлука за избор - ЛИНК

He was born in 1980 in Ohrid. He earned his bachelor and master degrees at the Faculty of Electrical Engineering in Skopje in 2004 and 2006. He completed his PhD studies at the Faculty of Electrical Engineering and Information Technologies in Skopje in 2009. During his studies he has been continually awarded for excellent performance. As the best student of his generation he has been awarded by the Faculty, University Ss. Cyril and Methodius and other organizations and foundations, including the Organization of Engineers of Macedonia that awarded him the "Golden engineering ring".
He gained his first professional experience at the Macedonian Telekom – T-Home, at the department for software and web development, during the period 2003-2005. He started working at the Institute for Computer Science and Engineering in the Faculty for Electrical Engineering in Skopje in 2005, initially as a laboratory demonstrator, and then as a junior assistant in 2006. He became an assistant in 2008, and in 2009, after completing his doctoral studies, he became an assistant professor. His teaching commitments included lectures in Structured Programming, Object-oriented programming, Programming Methodologies, Web Design, Computer Graphics, Computer Animation etc.
In his research work up until 2011 he has participated in more than 35 scientific papers in books, magazines and conference proceedings. The fields of his research interests include combinatorial optimization, heuristic algorithms, constraint programming, web development technologies, software testing, application of computer science in medicine and telemedicine, medical expert systems, knowledge extraction, machine learning. He is an author of one university textbook, and a reviewer of another one.
As an IT consultant he has been involved in analysis and development of several Enterprise Resource Planning (ERP) systems, University Information Systems, Web Content Management Systems, Document Management Systems, Online payment systems, Electronic time and attendance systems, banking applications, oil industry software. He has participated as an IT consultant in projects financed by the European Union (FP6, FP7, TEMPUS), non-government organizations (NDI).

Родена e 1975 година во Скопје. Основно и средно училиште завршила во Скопје. Во текот на образованието била добитник на повеќе награди и признанија на регионални и на републички натпревари по биологија и математика. Студиите по компјутерска техника, информатика и автоматика на Електротехничкиот факултет во Скопје ги започнала во учебната 1994/1995 година Академската 1995 година ја следела на Univerity of Massachussetts, Amherst, MA, USA, каде што била на листата на најдобрите студенти. Дипломирала во 2000 година на Електротехничкиот факултет во Скопје со среден успех 9,52. Во 2000 година била примена за демонстратор, во 2001 година е избрана за помлад асистент, а во 2004 година за асистент во Заводот за програмско инженерство на ИИ при ПМФ. Во 2003 година ги завршила постдипломските студии по информатика на ПМФ од областа на вештачките интелигентни системи, со одбрана на магистерскиот труд под наслов “Информациони и управувачки процеси во биолошка клетка”. Се стекнала со степенот доктор на информатички науки во 2008 година со одбрана на докторската дисертација под наслов „Системски софтвер на минимални биолошки системи“. Во 2009 година е избрана за доцент на Институтот за информатика при ПМФ. Држела вежби по десетина предмети за студентите по информатика, а изведувала вежби и за студентите по хемија и математика при ПМФ, на Земјоделскиот факултет во Скопје, како и на Полициската Академија и Универзитетот Американ Колеџ во Скопје. Тековно држи предавања по 7 предмети на Институтот за Информатика на додипломските студии, како и 3 предмети на постдипломските студии. Била соработник во реализацијата на 6 научни проекти. Учествувала на повеќе специјализирачки интернационални школи и курсеви во САД, Германија, Бугарија, Велика Британија и Македонија. Автор е на повеќе од 40 труда, од кои 2 се објавени во списанија, 2 во поглавја од книги а останатите во зборници на трудови од меѓународни или домашни научни конференции. Коавтор е на 2 учебни помагала и еден учебник за програмирање за студентите од информатичките факултети, како и еден учебник по информатика за основното образование. Организатор е на 5 конференции и 2 работлници, а уредник е и на еден зборник на трудови. Нејзини области на истражување се биоинформатиката, роботиката и интелигентните суштества (природни и вештачки). Член е на: IEEE, Здружението на информатичари на Македонија, Центарот за дигитизација на националното наследство при ИИ и Здружението за заштита на децата во Македонија (секретар за меѓународни односи, 1996-1997).

Рецензија - ЛИНК.
Одлука за избор - ЛИНК

Роден е 1980 година во Охрид. Дипломирал и магистрирал на Електротехничкиот факултет во Скопје во 2004 и 2006 година, соодветно. Докторирал на Факултетот за електротехника и информациски технологии во Скопје во 2009 година. Во текот на факултетското образование бил континуирано наградуван за успешните студии. Како најдобар студент во генерацијата е наградуван од Факултетот, универзитетот “Св. Кирил и Методиј” и други организации и фондации, меѓу кои Организацијата на инженерите на Македонија, од која ја добил наградата златен прстен. Своето прво работно искуство го стекнал во АД “Македонски телекомуникации” - МТнет, во одделот за софтвер и веб развој, во периодот 2003-2005 година. На Институтот за компјутерска техника и информатика при Електротехничкиот факултет во Скопје почнал да работи од 2005 година, прво како демонстратор и потоа од 2006 година и како помлад асистент. Звањето асистент го добил во 2008 година, а во 2009 година е избран за доцент. Неговите наставни обврски опфаќале настава по предмети од областа на структурирано програмирање, објектно-ориентирано програмирање, програмски методологии, веб дизајн, компјутерска графика, компјутерска анимација, итн.
Во рамките на досегашната научно-истражувачка работа до 2011 година учествувал во изработката на повеќе од 35 научно-истражувачки трудови публикувани во книги, списанија и реценирани зборници од конференции. Полињата на негов научно-истражувачки интерес вклучуваат комбинаторна оптимизација, евристички алгоритми, програмирање со ограничувања, технологии за веб програмирање, тестирање на софтвер, примена на информатиката во медицината и телемедицински системи, медицински експертски системи, екстракција на знаење, машинско учење. Автор е на еден универзитетски учебник. Рецензент е на еден универзитетски учебник.
Како IT консултант бил ангажиран при студии и развој на повеќе апликативни решенија за Enterprise Resource Planning (ERP) системи, универзитетски информациони системи, веб системи за менаџирање со содржини (CMS), Document Management Systems - DMS, системи за онлајн плаќање, електронска евиденција на присуство, банкарски апликации, нафтена индустрија. Учествувал како IT консултант во проекти финансирани од Европската унија (FP6, FP7, TEMPUS), невладини организации (NDI).

Рецензија - ЛИНК.
Одлука за избор - ЛИНК

Родена 1976 година во Штип. Основно и средно образование завршила во Штип. Добила повеќе награди на натпревари по математика и физика. Дипломирала во 1999 година на студиите по математика на ПМФ, а во 2004 година го одбранила магистерскиот труд на тема “Моделирање надежност на системи со повеќе состојби” и стекнала звање магистер по математички науки. За помлад асистент на ИИ била избрана во 2001 година, а во 2005 година за асистент. На Институтот за информатика држела вежби по предметите: множества, вектори и матрици, диференцијално сметање. интегрално сметање, математичка логика за информатичари, математика 1, дискретни структури и статистика. Држела вежби и по статистика 2 за студентите по математика, математички методи во хемија за студентите по хемија и статистика за студетите по географија. Главно подрачје на нејзин научен интерес е областа надежност на системите. Се интересира и за други подрачја од областа на веројатноста, статистиката, комбинаториката и др. Има објавено 30-тина трудови, а презентирала повеќе од 30 трудови на конференции и работилници. Учествувала во 3 научноистражувачки проекти и во 2 проекта за унапредување на образованието. Членува во Центарот за дигитизација на националното наследство на Македонија, како и во Друштвото на математичарите на Македонија и Друштвото на информатичарите на Македонија. Како активен член на Здружението на Информатичари, од 2001 година, учествувала во организацијата на повеќе регионални и државни натпревари по Информатика и Македонски Олимпијади по Информатика. Во моментов е член на Извршниот одбор на ЗИМ. Исто така била и во организациониот одбор на Балканската Олимпијада по Информатика во 2008 година. Била и лидер на Македонската екипа на две Балкански Олимпијади по информатика во 2008 и 2009 година. Таа е рецензент на учебникот за четврто одделение за основно образование. Марија била и член на Организициониот Одбор на Првата SEEDI Конференција DIGITAL (re-)DISCOVERY of CULTURE (PHYSICALITY OF SOUL) - Playing. Digital. Член е на програмски одбор на две научни конференции и уредник на зборник од трудови на една конференција.

Рецензија - ЛИНК.
Одлука за избор - ЛИНК