Уписот на новите студенти согласно објавените решенија за прием на II циклус на студии во учебната 2024/2025 ќе се врши од 27.02.2025 - 05.03.2025 година од 09:00 до 12:00 ч во службата за студентски прашања на ФИНКИ.

Потребни документи за запишување:

1. Индекс
2. 2 (две) фотографии 3,5 см х 4,5 см и 1 (една) 2 см x 3 см
3. Доказ за државјанство на РМ (уверение или решение)
4. Извод од матичната книга на родените
5. Образец за запишување семестар 
6. Интерен пријавен лист.
7. Статистички образец за II циклус на студии – ШВ.80А
8. Договор за студирање (за едногодишни и двогодишни студии) кој се добива и потпишува на денот на уписот
9. Доказ за уплата на прва рата во висина од 900 евра за едногодишните студии односно 625 евра за двогодишните студии во денарска противвредност според среден курс на Народна Банка на Р. Македонијa

Конечната ранг листа од примени кандидати на втор циклус на студии во вториот уписен рок е достапна на следниот ЛИНК.

Заверката на зимскиот и уписот на летниот семестар во учебната 2024/2025 година за студентите од II циклус на студии ќе се врши од 27.02.2025 до 07.03.2025 година од 09:00 до 12:00ч на шалтерот на Студентската служба на ФИНКИ во зградата на ТМФ.

Потребни документи за запишување на зимскиот семетар:

1. Индекс
2. Образец за заверување на семестар
3. Образец за запишување семестар (доставуваат сите студенти кои сеуште не магистрирале,односно се запишува празен семестар)
4. Интерен пријавен лист (само за студентите кои запишуваат предмети)
5. Уплатница за следната рата од школарината, согласно договорот за студирање

За студенти кои преслушуваат предмет дополнително се потребни:

Уплатница (во вредност на кредитите што ги носат предметите кои се преслушуваат според студиската програма)
цена на чинење на 1 кредит = 1/60 од вредноста на студиската програма за едногодишните, односно 1/120 за двогодишните студиски програми.
Уплатата се врши во денарска противвредност според средниот курс на НБРМ на денот на уплатата

Почитувани, 

Ни претставува огромна чест и задоволство да Ве поканиме на промоција на дипломирани и магистрирани студенти на Факултетот за информатички науки и компјутерско инженерство - Скопје. Промоцијата ќе се одржи во Александар Палас на 28-ми март(петок) со почеток во 12:00 часот. 

На прославата ќе бидат доделени дипломите на сите дипломирани и магистрирани студенти од 2024 година. Дипломираните и магистрираните студенти треба да пристигнат најдоцна до 11:00 часот поради административни и организациски обврски и со нив задолжително да носат лична карта. 
 

Со почит.