Рецензија - ЛИНК.
Одлука за избор - ЛИНК

Роден е 1988 година во Струмица. Дипломирал на Факултетот за електротехника и информациски технологии во Скопје во 2010. Запишан е на магистерски студии на истиот факултет во 2010. Магистерските студии му се од областа на биоинформатика. Во текот на факултетското образование бил постојано наградуван за постигнатиот успех во студирањето. На Институтот за компјутерска техника и информатика при Факултетот за електротехника и информациски технологии во Скопје почнал да работи во 2009 година како демонстратор. Неговите обврски околу наставата опфаќаат изведување аудиториски и лабораториски вежби по предмети од областа на структурирано програмирање, објектно-ориентирано програмирање, вовед во интернет и програмски методологии. Области на неговиот научно-истражувачки интерес се машинско учење и вештачка интелигенција, невронаука (функционална и анатомска конективност кај човековиот мозок) и биоинформатика (структура на ДНК и протеински интеракции).

Рецензија - ЛИНК.
Одлука за избор - ЛИНК

Влатко Спасев е роден во 1997 година во Свети Николе. Основното училиште во ООУ,,Кирил и Методиј” а средното во СОУ,,Кочо Рацин” во Свети Николе ги завршил како првенец на генерацијата. Во текот на школувањето, учествувал на повеќе регионални и државни натпревари во различни области и има освоено повеќе награди и признанија.
На Факултетот за Информатички Науки и Компјутерско Инженерство се запишал во 2015 година на насоката Компјутерски науки и инженерство. Во текот на студирањето има добиено признание како еден од најдобрите студенти на ФИНКИ. Дипломирал во 2019 година со просечна оценка 9,53 со дипломска тема ,,Систем за управување со камери за мониторирање на рути”. Во учебната 2019/2020 се запишува на постдипломски студии на ФИНКИ, насока Софтверско инженерство. Во март 2018 е избран за лаборант на ФИНКИ и изведувал лабораториски вежби по предметите Структурно и Објектно ориентирано програмирање, Микропроцесорски системи, Основи на веб дизајн. Во ноември 2019 година е избран за демонстратор и изведува аудиториски и лабораториски вежби по предметите Интернет програмирање, Шаблони за дизајн на кориснички интерфејси, Основи на веб дизајн, Објектно ориентирано програмирање, Вовед во когнитивни науки. Полиња на негов научно-истражувачки интерес се роботика, софтверско инженерство, управување и контрола на безпилотни летала, вградливи и сензорски системи.

Рецензија - ЛИНК.
Одлука за избор - ЛИНК

Роден е 1996 година во Скопје, каде што ги завршил основното и средното образование. Дипломирал на Факултетот за информатички науки и компјутерско инженерство во Скопје во 2019 година на насоката Мрежни технологии. Запишан е на магистерски студии во 2019 година, насока Интернет технологии. Во текот на додипломските студии бил континуирано наградуван за постигнатите резултати. Учествува во реализација на два меѓународни проекта. На Факултетот за информатички науки и компјутерско инженерство во Скопје почнал да работи во 2018 година како помал демонстратор. Неговите наставни обврски опфаќаат изведување на аудиториски и лабораториски вежби по предметите од областа на компјутерските мрежи и сајбер безбедноста. Области на научно-истражувачки интерес се компјутерски мрежи, дистрибуирани системи, апликативен софтвер и сајбер безбедност.

Рецензија - ЛИНК.
Одлука за избор - ЛИНК

м-р Стефан Андонов е роден 1997 година во Неготино, каде што го завршува своето основно и средно образование со континуиран одличен успех.

Додипломските студии на ФИНКИ ги завршува во 2019 со просечна оценка 9.38. Магистерските студии на смерот софтверско инженерство на ФИНКИ ги завршил во 2022 со просечна оценка 10.0 и одбрана на магистерскиот труд „Откривање на аномалии во логови со учење на репрезентација на графови“ под менторство на проф. д-р Ѓорѓи Маџаров. Во 2023 се запишал на докторски студии на ФИНКИ на насоката компјутерски науки и инженерство.

Своето прво работно искуство го стекнува во компанијата Elevate Global како инженер за податоци. Во март 2018 е избран за помлад демонстратор и изведувал лабораториска настава на ФИНКИ како лаборант на повеќе предмети на ФИНКИ. Во ноември 2019 година е избран во наставно звање демонстратор на ФИНКИ и изведува настава по предметите Стуктурно програмирање, Објектно-ориентирано програмирање, Напредно програмирање, Софтверско инженерство, Визуелно програмирање, Вовед во компјутерските науки, Криптографија и Рударење на масивни податоци. Во 2023 година е избран во наставно-научно звање асистент.

Полиња од негов научен интерес се вештачка интелигенција во ИТ операции (AIOps), машинско учење на графови, анализа и предвидување на временски серии, дистрибуирано процесирање на масивни податоци, софтверско инженерство и инженерство на податоци. 

Рецензија - ЛИНК.
Одлука за избор - ЛИНК

Марјан Гушев, д-р на науки, работи како професор на Универзитетот Св. Кирил и Методиј (УКИМ), при факултетот за Информатички науки и компјутерско инженерство (Финки).

Тој е искусен научник, професор и иноватор, менаџер и експерт, со големо знаење и длабоко разбирање на научните концепти од компјутерските науки и нивната примена во голем дел од проекти, вклучувајќи био-инженеринг на медицински сигнали, теле-медицина, решенија од ерата на пресметување на работ, пресметување во облак и роса, паралелно процесирање, имплементација на електронски сервиси, менаџмент на Универзитет, развој на ИТ стратегија и управување итн.

Има објавено 875 научни и стручни трудови, од кои 194 со фактор на влијание според извештајот на Web of Science JCR 2020, со 572 цитати и постигнат H-индекс од 10, (според Scopus има индексирано 238 статии, 1120 цитати и H-индекс 14, а според Scholar Google 506 статии, 2800 цитати и H-индекс 24). Два од неговите трудови од 2018 и 2017 достигаат висока цитираност од 50 и 37 цитати соодветно, според Web of Science и се наоѓаат во 98-миот персентил од сите можни статии. Според анализата на УКИМ, тој е автор со најмногу објавени статии од професори на УКИМ индексирани според Web of Science, со просечно една статија месечно за последните десет години (просекот на професори од УКИМ изнесува 0.16 годишно). Има објавено 3 патенти кај светската организација за интелектуална сопственост.

Неговото огромно искуство во работата вклучува крос-функционални меѓународни од голем број на дивергентни области, потврдено како проектен раководител на 18 и учесник на други 18 проекти од Европската Комисија, како што е H2020, FP7, FP6, COIN, и TEMPUS со тотален буџет повеќе од 7 милиони евра, а воедно е раководител на 11  национални проекти, од кои два од Фондот за иновации и технолошки развој, како и и учесник на други 3 национални проекти. Реализирал повеќе проекти од областа на Е-Влада, Е-Бизнис, што вклучуваат развој на национална стратегија и акциски план, односно реализација на триаголна платформа универзитет (знаење) - влада (управување) - индустрија (примена).

Во својата 30-годишна наставна активност, одржува настава по 235 курсеви на додипломски, после-дипломски и докторски студии, публикувал 23 книги, и 30 учебни помагала, а воедно бил ментор на 11 докторанди и 14 магистранти, од кои 12 се денеска актуелни универзитетски професори во земјава и светот.

Организирал 8 меѓународни конференции и 30 работилници, иницирал и раководи со повеќе лаборатории и специјализирани академии, член е на повеќе меѓународни здруженија од областа на информатика, вклучувајќи и основање на IEEE Dew Computing Special Technical Society. Добитник е на многу награди и признанија, како што се повеќе награди најдобра статија на меѓународни конференции, печат на одличност од Европската комисија за H2020, награда за најдобар научник на УКИМ во 2012, како и наградата „Св. Кирил и Методиј“ во знак на признание за достигнувањата во наставно-образовната дејност, како и за неговите заслуги во развојот и унапредувањето на високото образование и афирмација на Универзитетот во државата и пошироко во 2016. 

Во 2020-та е избран за дописен член на Словенечката Академија за инженери.

Рецензија - ЛИНК.
Одлука за избор - ЛИНК

Родена е 1960 година во Скопје, каде што оформила основно и средно образование. На Математичкиот факултет се запишала во академската 1978/79 година Насоката математика и информатика ја завршила во 1983 година. Магистрирала на Електротехничкиот факултет во Скопје, на насоката за компјутерска техника и информатика (КТИ) под менторство на проф. д-р Драган Михајлов, во 1988 година, со одбрана на трудот “Алгоритми за генетски истражувања”. Докторирала на ПМФ во 1993 година, со одбрана на дисертацијата “Систем за машинско преведување, реализиран со помош на невронски мрежи”, под менторство на проф. д-р Душан Сурла од Уиверзитетот во Нови Сад. Во 1989 година била избрана за асистент, во 1994 за доцент, во јуни 1999 година за вонреден професор, а од 2004 година е редовен професор на ИИ при ПМФ. Во академската 1988/89, како стипендист на British Council, имала студиски престој на Cranfield Institute of Technology во Англија, летото 1990 година престојувала на Universite Stendhal и на Institute GETA во Гренобл, Франција. Во 1992 година ја посетувала школата Contemporary Topics in Computational Linguistics во Цигов Чарк, Бугарија. Во 2000, со Tempus IMG стипедија, кратко престојувала на University of Wolverhampton, School of Computing and Information Technology, Centre of Learning and Teaching и Delta Institute. Во рамките на Tempus JEP 13577/98, во 2000 година престојувала на University of Loughborough и University of Liecester, а во рамките на Phare во Центарот за отворено и далечинско учење на Open University во Лондон и во Milton Keynes. Во рамките на Tempus JEP 14440/99, во 2000 и 2001 година имала кратки престои на Aristotle University во Солун, а во 2003, со Tempus IMG03-FYR1007 престојувала во Љубљана, Словенија, на семинарот REGOC, во огранизација на IEEE. Последниве 5 години изведува/ла настава по 15 предмети на додипломските студии - по информатика: компјутерски апликации, програмски системи, учење со компјутер и примени, основи на вештачката интелигенција, филозофија на информатиката, учење со компјутер, дизајнирање на образовен софтвер, компјутерски системи во наставата; по хемија: вовед во информатиката и примена на компјутерите; по физика: информатика; по биологија: информатика за биолози; по биологија-хемија: математика со информатика; на Стоматолошкиот факултет: примена на компјутерите во стоматологијата и информатика. На постдипломските студии по информатика е задолжена за предметите: невронски мрежи, обработка на природните јазици, логичко програмирање, интерактивни мултимедиски системи за учење и софтверско инженерство. Од академската 2000/01 до 2004/05 година на постдипломските студии на Институтот за билогија ја изведувала наставата по примена на компјутерските пакети во биологијата. Од академската 2003/04 до 2005/06 година изведувала настава по информатика на постдипломските студии на Стоматолошкиот факултет. Здравкова била или е ментор на 3 докторски дисертации и на 1 магистерски труд. Објавила: 4 трудови во меѓународни списанија, 2 научни труда во домашно списание, 34 трудови во зборници од меѓународни научни собири и имала повеќе од 50 стручни презентации на меѓународни собири. Коавтор е на два средношколски учебника. Одржала 8 поканети предавања на меѓународни семинари и конференции. Д-р Здравкова е претставник на UNESCO Institute of Information Technology of Education (IITE) за Македонија и регионален координатор за Јужна Европа. Во рамките на UNESCO IITE, била национален координатор на два проекта. Исто така, таа е координатор на еден билатерален проект на МОН на Македонија, на два проекта на Deutsche Akademische Austausch Dienst (DAAD), на еден Темпус-проект и на еден NATO проект. Од 1999 година членува во Institute ofElectrical and Electronics Engineers (IEEE). Здравкова е член во програмските комитети на 4 меѓународни конференции. Таа е рецензент на Министерството за образование и наука на Македонија, на Министерството за наука на Хрватска, на две меѓународни списанија и на голем број конференции. Одликувана е со специјалното одликување на IEEE за исклучителен придонес.

Рецензија - ЛИНК.
Одлука за избор - ЛИНК