Роден е 1985 година во Штип. Дипломирал на Факултетот за електротехника и информациски технологии во Скопје во 2008 година, на насоката информатика и компјутерско инженерство. Магистрирал на истиот факултет во 2010 година, со магистерска теза од областа на семантички веб технологии. Во текот на факултетското образование редовно бил наградуван за успешните студии. Првото работно искуство му било во дооел “Генреп” од 2008 година. На Институтот за компјутерска техника и информатика при Факултетот за електротехника и информациски технологии во Скопје почнал да работи од 2009 година како демонстратор. Неговите наставни обврски опфаќаат изведување вежби по предмети од областа на системски софтвер, мрежно програмирање и мрежен софтвер. Во рамките на досегашната научно-истражувачка работа има објавено десет научно-истражувачки трудови. Коавтор е на една книга. Полињата на научно-истражувачки интерес вклучуваат шеми за дизајн, семантички веб, паралелно процесирање, дистрибуирани системи, компјутерски мрежи, обработка на неструктурирани податоци.

Рецензија - ЛИНК.
Одлука за избор - ЛИНК

Родена е 1987 година во Белград, Р Србија. Дипломирала на Факултетот за електротехника и информациски технологии во Скопје во 2009 година на насоката Информатика и компјутерско инженерство. Магистрирала на истиот факултет во 2011 година на насоката Компјутерски мрежи и е-технологии, со магистерска теза од областа на моделирање и анализа на сложени мрежни системи. Во текот на факултетското образование била континуирано наградувана за успешното студирање. Учествува во реализација на еден меѓународен проект и има презентирано труд на меѓународна конференција и учествувала на две меѓународни работилници. На Институтот за компјутерска техника и информатика при Факултетот за електротехника и информациски технологии во Скопје почнала да работи во 2009 година како демонстратор. Нејзините наставни обврски опфаќаат изведување на аудиториски и лабораториски вежби по предметите од областа на логички кола и дискретни автомати и формални јазици. Области на нејзин научно-истражувачки интерес се оптимизација, анализа и моделирање на мрежни системи, формални јазици, логички кола и дискретни автомати, надежност на системи.

Рецензија - ЛИНК.
Одлука за избор - ЛИНК

Родена е 1986 година во Куманово. Дипломирала на Факултетот за електротехника и информациски технологии во Скопје во 2008 год. Магистрирала на истиот факултет во 2010 година, со магистерска теза од областа на содржински базирано пребарување на слики од магнетна резонанца. Во текот на факултетското образование била континуирано наградувана за успешното студирање. Како најдобар студент од генерацијата е наградувана од Факултетот, универзитетот “Св. Кирил и Методиј”, како и други фондации и е добитник на инженерски прстен од Организацијата на инженерите на Македонија. Таа своето прво работно искуство го стекнала на Европскиот универзитет на Факултетот за информатика во 2008 година. На Институтот за компјутерска техника и информатика при Факултетот за електротехника и информациски технологии во Скопје почнала да работи во 2008 година како демонстратор. Во моментот е одговорна за изведување на аудиториските и лабораториските вежби по предмети од областа на структурирано програмирање, објектно-ориентирано програмирање, интернет програмирање и кориснички интерфејси. Области на нејзин научно-истражувачки интерес се обработка на слики, податочно рударење, машинско учење, софтверско инженерство.

Рецензија - ЛИНК.
Одлука за избор - ЛИНК

Рецензија - ЛИНК.
Одлука за избор - ЛИНК

Родена е во 1988 година во Загреб, Р. Хрватска. Дипломирала во 2012 година на Институтот за информатика при Природно-математичкиот факултет во Скопје, по што истата година се запишала на магистерски студии на Факултетот за информатички науки и компјутерско инженерство во Скопје на насоката интелигентни системи. Магистерската теза со наслов „Бајесова класификација на генска експресија кај колоректален канцер добиена со технологија на ДНК микрополиња имплементирана како SaaS во Облак “ ја одбранила во 2013 година и се стекнала со звањето магистер по информатички науки и компјутерско инженерство од областа интелигентни системи. 
На докторски студии се запишала во септември 2014 и во 2019 година ја одбранила докторската дисертација со наслов „Процесирање биоелектрични и биоакустични сигнали за предвидување медицински состојби“, стекнувајќи се со научен степен - доктор по информатички науки.
Од 2010 е ангажирана како демонстратор, прво на Институтот за информатика при ПМФ, а потоа и на ФИНКИ. Краток период работи како асистент на Универзитетот „Гоце Делчев“ во Штип. Од декември 2017 година работи на ФИНКИ. Во текот на работењето, активно е вклучена во неколку национални и меѓународни проекти. Добитник е на награда за најдобар труд презентиран на 25. симпозиоум DAAAD во Виена, Австрија, како и на FESTO-наградата за млад научник. Во повеќе наврати остварува научен престој на Институтот „Јожеф Стефан“ во Љубљана, Словенија, каде има прилика да работи во областа на развивање методи за обработка на биомедицински сигнали. Кратки студиски престои има и на UGA во Гренобл, Франција и на UCD во Даблин, Ирска. Автор и коавтор е на повеќе од 50 трудови, објавени на конференции и во признати меѓународни журнали. 
Воглавно нејзиниот интерес е насочен кон развој на интелигентни системи во различни области како: процесирање на биомедицински сигнали, биоинформатика, пресметување во облак, биосензори, обработка на природни јазици, а во поново време и во роботика и микропроцесорски системи како дел од нејзиниот наставен ангажман.

Рецензија - ЛИНК.
Одлука за избор - ЛИНК

Роден е 1986 година во Скопје. Дипломирал на Факултетот за електротехника и информациски технологии во 2008 година. Моментално е запишан на магистерски студии на студиската програма Софтверско инженерство на истиот факултет. По дипломирањето кратко работел како соработник на Факултетот за информатика при Европскиот универзитет и како 2Д/3Д компјутерски аниматор, веб и апликациски програмер. На Институтот за компјутерска техника и информатика при Факултетот за електротехника и информациски технологии во Скопје почнал да работи во 2009 год. како демонстратор. Одговорен е за изведување на аудиториски и лабораториски вежби по предметите од областа на структурирано програмирање, објектно-ориентирано програмирање, компјутерска графика, веб дизајн и компјутерска анимација. Член е на IEEE. Области на негов научно-истражувачки интерес се компјутерска графика, визуелизација, географски информациони системи и примена на информациски системи во медицината.

Рецензија - ЛИНК.
Одлука за избор - ЛИНК

Родена е 1986 година во Скопје. Дипломирала на Факултетот за електротехника и информациски технологии во Скопје во 2009. Во моментов е запишана на магистерски студии на истиот факултет на насоката Содржинско базирано пребарување. Во текот на факултетското образование била континуирано наградувана за успешното студирање. Како студент во 2005 година е добитник на наградата “13 Ноември” од град Скопје за постигнати забележителни успеси во образованието. Таа своето прво работно искуство го стекнала во друштвото за информатички услуги “Некстсенс“ доо. На Институтот за компјутерска техника и информатика при Факултетот за електротехника и информациски технологии во Скопје почнала да работи во 2009 година како демонстратор. Во моментов е вклучена во изведување вежби по предметите од областа на алгоритми и структури на податоци, објектно ориентирани системи, информациони системи, објектно ориентирана анализа и дизајн и интелегентни информациони системи. Области на нејзин научно-истражувачки интерес се вештачка интелигенција, биоинформатика, податочно рударење, машинско учење, бази на податоци.

Рецензија - ЛИНК.
Одлука за избор - ЛИНК

Рецензија - ЛИНК.
Одлука за избор - ЛИНК

Бојан Илијоски е роден во 1987 во Скопје. Основно образование завршил во ОУ ,,Мирче Ацев” во Скопје, а средно образование во гимназија ,,Никола Карев” во Скопје, математичко подрачје. Во текот на основното и средното образование учествувал на регионални и државни натпревари по математика и информатика.Во 2006 година се запишал на Природно-математичкиот факултет во Скопје, на институтот за информатика, насока програмско инженерство. Дипломирал во 2010 при што се стекнaл со стручен назив димпломиран инженер по информатика – програмско инженерство. За време на високото образование учествувал на повеќе натпревари во програмирање и кострукција и менаџирање на софтверски проекти. Во септември 2010 се запишaл на постдиплмоските студии при Институтот за информатика на Природно-математичкиот факултет, насока компјутерски науки. Магистрирал во декември 2013 на тема „Групирање на коментари на македонски јазик“ кај менторот проф.д-р. Жанета Попеска. Од 2009 е активен како демонстратор на Интитутот за информатика при Природно-математичкиот факултет, со задолжение за држење на лабораториски вежби по предметите основи на програмирање, објектно и визуелно програмирање, структури на податоци и алгоритми, структури на податоци, интернет технологии и интеракција човек-компјутер. Области на неговиот научно-истражувачки интерес се интелигентни системи, податочно рударство, рударење низ текст, бази на податоци, алгоритми, грид пресметување, пресметување со високи перформанси.

Рецензија - ЛИНК.
Одлука за избор - ЛИНК

Роден е 1990 година во Скопје. Основно и средно образование завршил во Неготино. Во текот на средното образование освојува бројни награди на државни натпревари по информатика, физика и математика. Дипломира во 2013 година на Факултетот за информатички науки и компјутерско инженерство на смерот Информатика и компјутерско инженерство (ИКИ) со просек 9.72. Во текот на студирањето континуирано е наградуван за успешно студирање. Во 2016 година, на Факултетот за информатички науки и компјутерско инженерство ја одбранил магистерската теза и се стекнал со звањето магистер по информатички науки и компјутерско инженерство од областа на компјутерските мрежи и е-технологиите. На докторски студии се запишува во септември 2017 на смерот Компјутерски науки на Факултетот за информатички науки и инженерство.

Во периодот од 2014 до 2017 работи како софтверски инженер во Компјутерски центар на ФИНКИ, а дополнително е ангажиран и како демонстратор на повеќе предмети. Во декември 2017 е избран за асистент-докторанд на ФИНКИ. Неговите наставни обврски опфаќаат работа на предмети од областа на Оперативни системи, Компјутерски мрежи, Веб програмирање, Електронска и мобилна трговија, Архитектура и организација на компјутери и Мобилни платформи и програмирање.

Во својата досегашна кариера има учествувано во бројни софтверски и истражувачки проекти. Во рамките на досегашната научно-истражувачка работа има објавено неколку научни трудови како автор и коавтор. Активно работи во областа на машинско учење и длабоки невронски мрежи за обработка на природни јазици во податоци од областа на финансиите и медицината.

Рецензија - ЛИНК.
Одлука за избор - ЛИНК