14/08/2012
НЕОКОМ доби признание за успешно интегриран и имплементиран HPC (high performance computing) систем на Факултетот за Информатички Науки и Компјутеско Инженерство - ФИНКИ во Скопје, кој во себе содржи 1008 процесорски јадра, базирани на INTEL технологија интегрирани во HP Blade сервери. Oвој проект е прогласен за еден од најголемите имплементирани во EMEA регионот во изминатата година, базиран на HP сервери и Intel процесорска технологија.
Јавното доделување на пригодната плакета на делегатите од НЕОКОМ А.Д, претставува уште едно врвно признание за посветеноста на нашите стручни тимови и квалитетот што нашата компанија ги нуди на своите клиенти.
Tрадиционално, и оваа година во организација на Hewlett-Packard (HP), во Дубаи, САЕ, од 17–21.Јуни.2012, се одржа настанот посветен на развојните технологии, HP ExpertONE Technology & Solutions Summit. Овој самит е фокусиран на корпорациски продукти, како што се Integrity и Non-Stop сервери, HP ProLiant and BladeSystem Technologies, Storage Products & Solutions, HP Networking, High Performance Computing, ESSN Software, но и на Cloud системите, Виртуелизацијата, Менаџмент и Автоматизација, Апликации и Енергетска Ефикасност. Учеството на овој настан нуди единствена можност за запознавање со најновите техничко-технолошки достигнување во областа на ИКТ како и директни средби со екперти од најразлични области од ИКТ индустријата.
