12/05/2026

Во рамките на предметот Сервисно ориентирани архитектури ќе се одржат две гостински предавања посветени на практичната примена на микросервисна архитектура, од страна на Ристо Кавалиновски, софтверски архитект и IT консултант, и Виктор Кајтазов, Software Engineer и Java Domain Manager во Nion.

Датум и време: 13.05.2026 (среда), со почеток во 12:00 часот Просторија: Б2.1

Микросервиси во реалниот свет: од enterprise платформи до agentic системи

Ова предавање ја обработува практичната примена на микросервисна архитектура преку две реални индустриски имплементации: голема enterprise трансформација и IoT стартап платформа.

Првиот пример го опфаќа преминот од legacy монолитен систем кон domain-oriented микросервисна платформа во голема организација која работи според SAFe процеси, tribes и squads модел. Ќе бидат разгледани организациското усогласување, ownership по домени, скалабилноста на тимовите, интеграционите предизвици и архитектонските trade-off одлуки кои се појавуваат во реални проекти.

Вториот пример претставува IoT платформа базирана на микросервиси, развивана од мал core тим околу MQTT-connected уреди, со фокус на provisioning, data ingestion, CRM интеграции и customer-facing API сервиси. Преку овој пример ќе се покаже дека микросервисите не се корисни само за големи организации, туку и за управување со комплексноста и extensibility на системите уште во раните фази на развој.

Предавањето дополнително ги поврзува класичните принципи на микросервисна архитектура со современите agentic архитектури и MCP (Model Context Protocol) пристапи, нагласувајќи ја важноста на bounded contexts, API contracts, loose coupling и single source of truth концептите во системи кои треба да бидат користени и оркестрирани од AI агенти.

Целта на предавањето е да направи мост помеѓу теоретските принципи и реалните архитектонски одлуки, практичните искуства и идните насоки во дизајнот на современи софтверски системи.

Практични примери и алатки од микросервисна архитектура

Предавањето ги опфаќа алатките, принципите и реалните предизвици со кои се соочуваат инженерски тимови при развој на микросервиси во рамките на голема компанија.

Низ конкретни примери ќе видиме како микросервисите се организираат по бизнис домени, како тимовите координираат преку јасни граници на одговорност, и како специфични технички проблеми се решаваат со микросервисен пристап.

За предавачите

Ристо Кавалиновски е софтверски архитект и IT консултант со искуство во enterprise платформи, микросервисна архитектура, IoT системи и distributed integrations. Има работено на големи трансформациски проекти во телекомуникацискиот сектор, како и на модерни IoT платформи базирани на MQTT комуникација, cloud-native сервиси и event-driven архитектури. Неговото искуство опфаќа solution architecture, техничко лидерство, presales активности, API и integration design, како и менторирање и развој на инженерски тимови. Посебен интерес има во scalable distributed systems, domain-oriented архитектура и пресекот помеѓу микросервисни архитектури и современи agentic AI системи.

Виктор Кајтазов е Software Engineer и Java Domain Manager во Nion со преку 10 години искуство во развој на enterprise Java системи. Работел како консултант на проекти од повеќе домени меѓу кои телекомуникации, здравство, малопродажба и медиуми, стекнувајќи широко искуство во големи организации и агилни средини.

Search form

Languages