Почитувани студенти и останати таленти,

Тимот на Интервеј расте!

Што бараме?  Позитивни, проактивни, мотивирани таленти кои се подготвени да учат и имаат желба за личен напредок и долгорочна соработка во нашата компанија.

Кои сме ние?  Интервеј е компанија специјализирана за обезбедување на најсовремени ИТ решенија базирани на најнова технологија. Нашите клиенти се банки, пензиски фондови, инвестициски фондови и други финансиски институции во Македонија и САД.

Што нудиме?  Можност за работа на интересни проекти во динамична средина, директна комуникација со нашите клиенти, развој на сопствена мрежа на контакти, кариерен раст и развој, дополнителни бенефити во зависност од сопствените аспирации и напредок.

Како да се запознаеме? Во линковите подолу опфатени се сите детали околу очекувањата и можностите за секоја поединечна отворена позиција, како и пристап до платформата на која може да аплицирате. Во моментов имаме потреба од следните кандидати:

Senior Java Developer https://interway.com.mk/jobposition1.html

Senior .NET Developer https://interway.com.mk/jobposition5.html

Junior Java Developer https://interway.com.mk/jobposition2.html

Junior .NET Developer https://interway.com.mk/jobposition6.html

Product Assistant / QA Specialist https://interway.com.mk/jobposition4.html

Internship https://interway.com.mk/jobposition3.html

Придружи се на нашиот тим!

codeSTREETS, првиот официјален регистриран партнер на Salesforce во Македонија, нуди бесплатна академија за заинтересирани студенти кои сакаат да ја започнат својата кариера како сертифицирани професионалци за еден од најголемите технолошки гиганти, Salesforce.

ЗОШТО ДА СЕ ПРИЈАВИТЕ?

· За да станете дел од глобалната Salesforce економија вредна трилиони долари

· Да добиете пристап до високоплатени работни позиции ширум светот

· Да работите во глобални тимови составени од врвни Salesforce професионалци

· Да работите на возбудливи проекти во најуспешните европски и светски компании

· Да стекнете знаења и вештини кои нема да застарат следните децении

· Да научите и усовршите нови технологии (Аpex, Lightning Web Components, Aura)

· Да го поддржите светското движење за еднаквост и одржливост

ДАТУМ

1 ноември 2022 - 1 февруари 2023

ВРЕМЕТРАЕЊЕ НА АКАДЕМИЈАТА

100 денови

КAKO ЌЕ СЕ ОДВИВА

Хибридно (онлајн и во канцелариите на codeSTREETS)

УЧЕСНИЦИ

Студенти од ФИНКИ кои се во завршни години од студиите.

БРОЈ НА УЧЕСНИЦИ

20

НАЧИН НА РАБОТА

Обука за полагање на Salesforce сертификати преку предавања, консултации и практична работа на проекти.

НАЧИН НА ПРИЈАВА

При пријавата за учество студентите треба да испратат CV или LinkedIn профил на career@codestreets.com и да напишат нешто за себе.

ВЕБ СТРАНА: https://codestreets.com/salesforce-developer-from-zero-to-hero.html

Почитувани студенти

оваа година по 16. пат се организиран најголемиот online програмерски натпревар IEEE Xtreme (https://ieeextreme.org). Минатата година учествуваа 5570 тимови од 62 земји во светот, со вкупно 12946 натпреварувачи. Право на учество на натпреварто имаат тимови од максимум 3 студенти, а услов за учество е студентите да бидат членови на IEEE. Натпреварот ќе се одржи на 22.10.2022 и трае 24 часа. Во тој период постојано се задаваат нови проблеми кои студентите треба да ги решат и постават на системот за натпреварување. 

Рокот за регистрација на студентите и тимовите е 12.10.2022 година. Регистрацијата на студентите е на сајтот на натпреварот (https://ieeextreme.org), каде има и информации и линк за зачленување. Годишната членарина во IEEE за студентите од нашата земја е 14УСД, а се плаќа online со картичка при зачленување. 

Натпреварот има и првлечни награди. Првата награда е платено учество на IEEE конференција по избор на натпреварувачите каде било во светот, со покриени патни трошоци, регистрација и сместување. Втората награда е 400УСД, а третата 300УСД. Тимовите пласирани од 4. до 10. место добиваат подароци и софтверски пакети од спонзорите, а останатите тимови до 100. место, исто така добиваат подароци од спонзорите. 

Како поддршка за учество на овој натпревар, ФИНКИ и оваа година нуди можност за рефундирање на членарината на оние студентите кои активно ќе учествуваат на натпреварот и ќе освојат поени. Исто така, факултетот во соработка со партнерските фирми, ќе обезбеди и локација за непречено одвивање на натпреварот. 

За сите прашања за натпреварот пишете на anastas.mishev@finki.ukim.mk