Родена е 1978 година. Основно и средно образование завршила во Скопје со одличен успех. На Природно-математичкиот факултет во Скопје на Институтот по информатика, применета насока, се запишала во академската 1996/97 година. Дипломирала во 2001 година, со среден успех 9.94, како најдобар дипломиран студент во генерација на Институтот за информатика, стекнувајќи се со звање дипломиран инженер по информатика. На постдипломски студии по математика се запишала во академската 2002/2003 година, а ги завршила во 2009 со одбрана на магистерскиот труд “Кодови за откривање грешки и примена на квазигрупи за нивно дизајнирање”. Докторската дисертација од областа на теоријата на кодирање ја одбранила во 2015 на Факултетот за информатички науки и компјутерско инженерство - ФИНКИ.

Во зимскиот семестар во академската 2001/2002 година била демонстратор, во 2002 година била избрана за помлад асистент, а во 2009 за асистент на Институтот за информатика при ПМФ. Од 2011 до 2015 била асистент на Факултетот за информатички науки и компјутерско инженерство - ФИНКИ, а во 2015 е избрана во доцент на истиот факултет. Има држено вежби по дваесетина предмети од различни области на студентите на ФИНКИ, како и на студентите на Институтот за информатика и Институтот за математика при ПМФ, Скопје: дискретна математика 1, дискретна математика 2, веројатност и статистика, дискретни структури 1, дискретни структури 2, дискретни структури 3, веројатност, теорија на веројатност, алгебра, алгебарски дискретни структури, множества и логика, линеарна алгебра, вектори и матрици, теорија на информации, основи на теорија на информации, основи на програмирање, бази на податоци, математички методи за информатичари, математичка статистика, функции со повеќе променливи, математичка анализа, програмирање на сметачки машини, компјутерски практикум II, компјутерски практикум III. Како наставник држи предавања по Дискретна математика 1, Дискретна математика 2 и Веројатност и статистика на студентите на ФИНКИ. Има напишано неколку скрипти достапни за студентите во електронска форма преку соодветни web страни. Учествувала на дваесетина конгреси, конференции, работилници, школи и курсеви во земјата и странство. Била учесник во неколку научно-истражувачки проекти и е автор повеќе научни труда.

Рецензија - ЛИНК.
Одлука за избор - ЛИНК

Јован Симоноски е роден во 2002 година во Охрид. Основно и средно образование завршува во Ресен.

На Факултетот за информатички науки и компјутерско инженерство се запишал во 2021 година, на насоката Интернет, мрежи и безбедност.

Во текот на студиите бил континуирано наградуван за постигнатите резултати и бил ангажиран како тутор за лабораториски вежби на Факултетот.

Дипломирал во 2025 година со дипломски труд „Бона Фиде? Систем за верификација на истражувачи“ под менторство на проф. д-р Филипоска Соња, со просечна оценка 9,88.

Истата година се запишал на магистерски студии на насоката Internet technologies and cyber security.

Области на негов научно-истражувачки интерес се компјутерски мрежи, апликативен софтвер и сајбер безбедност. 

Jovan Simonoski was born in 2002 in Ohrid. He completed his primary and secondary education in Resen.

He enrolled at the Faculty of Computer Science and Engineering in 2021, majoring in Internet, networks and security.

During his studies, he was continuously awarded for his achievements and was engaged as a tutor for laboratory exercises at the Faculty.

He graduated in 2025 with a bachelor’s thesis titled “Bona Fide? A System for Researcher Verification”, under the mentorship of Prof. Dr. Filiposka Sonja, with a grade point average of 9.88.

In the same year, he enrolled in master’s studies in the program Internet technologies and cyber security.

His fields of scientific and research interest include computer networks, application software, and cybersecurity.

Пеце Георгиев е роден во 2002 година во Битола. Основното и средното образование ги завршил во Битола, каде активно учествувал во натпревари по различни предмети.

Во 2021 година се запишал на додипломски студии на Факултетот за информатички науки и компјутерско инженерство (ФИНКИ) во Скопје, на насоката Компјутерски науки. Во текот на студиите изведувал практична работа во компанијата „Netcetera“ како практикант за машинско учење. Дипломира во 2025 година со просечна оценка 9.92, со дипломски труд на тема „Метаевристички пристап за решавање на NP-тежок оптимизациски проблем на распоредување на испити“, под менторство на проф. д-р Соња Гиевска.

Во 2025 година се запишува на постдипломски студии на ФИНКИ на насоката Статистика и аналитика на податоци, како и изведува настава и ги дефинира аудиториските и лабораториските вежби по предметите: Линеарна алгебра и примени, Веројатност и статистика, Инженерска математика. 

Полиња на неговиот научно-истражувачки интерес вклучуваат: вештачка интелигенција, статистика и аналитика на податоци, машинско учење, теорија на оптимизација, теорија на игри, дизајн на алгоритми и софтверско инженерство.

Pece Georgiev was born in 2002 in Bitola. He completed his primary and secondary education in Bitola, where he actively participated in competitions in various subjects.

In 2021, he enrolled in undergraduate studies at the Faculty of Computer Science and Engineering (FCSE) in Skopje, majoring in Computer Science. During his studies, he gained practical experience at the company "Netcetera" as a machine learning intern. He graduated in 2025 with an average grade of 9.92, with a diploma thesis titled "Metaheuristic approach for solving an NP-hard optimization problem of exam scheduling" under the mentorship of Prof. Dr. Sonja Gievska.

In 2025, he enrolled in postgraduate studies at FCSE specializing in Statistics and Data Analytics, and he teaches and designs laboratory exercises for courses including Linear Algebra and Applications, Probability and Statistics, and Math for Engineers.

His scientific research interests include artificial intelligence, statistics and data analytics, machine learning, optimization theory, game theory, algorithm design, and software engineering.

.

.