Објавена е листа на пријавени кандидати за упис на ФИНКИ во вториот уписен рок за академската 2023/2024 година. Листата можете да ја најдете на следниот линк.

Листата ги содржи информациите за она што е пополнето во документите и не дава информација за рангирањето на кандидатите. Листата содржи број на кандидатот, првиот избор на студиска програма, Дали кандидатот избрал кофинансирање или не, редослед на изборите на насоки по приоритет, како и поените од успехот.

По објавувањето на листата на пријавени кандидати за запишување во прва година, почнувајќи од 21.09.2023, најдоцна до 22.09.2023 до 10:00 часот може да се достави приговор за технички пропусти на следниот линк.

Техничките пропусти се однесуваат на:

1.    Печатна грешка на основен избор на студиска програма

2.    Избор со кофинансирање

3.    Редослед на студиски програми

4.    Погрешно пресметани поени (заради соодветност на предмети, тип на матура и сл.)

Објавени се прелиминарни ранг листи за вториот уписен рок за академската 2023/2024 година.

Поднесувањето на приговор за прелиминарната ранг листа на пријавени кандидати во прв уписен рок ќе се врши до 25.09.2023 година до 12:00 часот.

Почитувани студенти,

Ве известуваме дека сите кои немате запишано електронски семестар (со предмети) истото можете да го направите најдоцна до 22.10.2023 со казна од 500 денари на сметката на ФИНКИ, после тоа може да се запише само празен семестар со казна од 1000 денари на сметката на ФИНКИ.

Почитувани кандидати, ве известуваме дека запишувањето на рангираните кандидати според решението за прием  во првиот уписен рок ќе се изврши на 26.09.2023 на шалтер во студентска служба од 9:00 до 12:00 часот.

Им пожелуваме успех на сите идни студенти на ФИНКИ!

Рангираните кандидати мора задолжително да се запишат во овој термин и да ги достават во целост наведените документи. Во спротивно, ќе го изгубат добиеното место и доколку сакаат пак да се запишат на ФИНКИ, ќе мора да се пријават на третиот уписен рок, од почеток, доколку останат слободни места.

ПОТРЕБНА ДОКУМЕНТАЦИЈА ПРИ ЗАПИШУВАЊЕ НА НОВИ СТУДЕНТИ ВО УЧЕБНАТА 2023/2024
1. Изјава за доставени документи
2. Образец за запишување на семестар (со залепена слика), пополнет и потпишан (се купува од книжара)
    2.1.    Листа на предмети според насоки кои се пополнуваат во образецот.
3. Пријавен лист од Државен завод за статистика на РМ (образец ВОИ. 20) (се купува од книжара)
4.а. Кандидатите примени во државна квота поднесуваат потврда за уплата на прва рата од 100 евра во денарска противвредност по среден курс на НБ на Република Северна Македонија (пример уплатница)
    4.а.1.    Договор за студирање во државна квота во два примероци
4.б. Кандидатите во квота со кофинансирање поднесуваат потврда за уплата на прва рата од 200 евра во денарска противвредност по среден курс на НБ на Република Северна Македонија (пример уплатница), како и
    4.б.1.    Изјава за согласност за поднесување на трошоците на студирање
    4.б.2.    Договор за студирање во квота со кофинансирање во два примероци
4.в. Кандидатите примени на Стручни студии за програмирање поднесуваат потврда за уплата на прва рата од 300 евра во денарска противвредност по среден курс на НБ на Република Северна Македонија (пример уплатница), како и
     4.в.1.    Изјава за согласност за поднесување на трошоците на студирање
     4.в.2.    Договор за студирање на ССП во два примероци
5. Потврда за уплата на 750,00 денари на сметката на ФИНКИ за административно материјални трошоци и осигурување. (пример уплатница)
6. Потврда за уплатени 750,00 денари - за информативни, информатички, културни и спортски активности на студентите на Универзитетот  “Св. Кирил и Методиј” во Скопје, со назнака Одлука на УКИМ за ИКСА, ФИНКИ, (пример уплатница).
7. Студенти кои сакаат да дадат пристап на трето лице за увид на личните документи и пристап до документите од студентското досие, потребно е да пополнат и поднесат Изјава за пристап до информации и документи од трети лица на ФИНКИ
8. Индекс (со залепена слика) и студентска легитимација (со залепена слика), пополнети без број на индекс (се купува од книжара)

Кандидатите кои нема да се запишат или се откажуваат од запишувањето на Факултетот за информатички науки и компјутерско инженерство во учебната 2023/2024, поднесените документи можат да ги повлечат до 29.9.2023 (09:00 - 12:00 часот). При тоа, потребно е да се потпише изјава за подигнување на документите во 2 примероци.

Врз основа на член 163 од Законот за високото образование (Сл. Весник 82 од 08.05.2018 година), член 20 и 53 од Правилникот за посебните услови и постапката за избор во наставно-научни, научни, наставно-стручни и соработнички звања и демонстратори на Универзитетот „Св. Кирил и Методиј“ во Скопје, Одлуката бр. 02-2423/1 од 26.09.2109 година за воспоставување на критериуми за избор на демонстратори и Статутот на Факултетот за информатички науки и компјутерско инженерство Скопје во состав на Универзитет „Св. Кирил и Методиј“, се распишува следниов

ИНТЕРЕН КОНКУРС

За пројавување интерес за избор на демонстратори за академската 2023/2024 година

Факултетот за информатички науки и компјутерско инженерство Скопје во состав на Универзитет „Св. Кирил и Методиј“ Скопје распишува конкурс за избор на единаесет демонстратори за учебната 2023/24 година.

Критериуми за избор

За да биде избран демонстраторот треба да ги исполнува минималните критериуми предвидени во Законот за високото образование, Правилникот  за посебните услови и постапката за избор во наставно-научни, научни, наставно-стручни и соработнички звања и демонстратори на Универзитетот „Св. Кирил и Методиј“ во Скопје  и Посебните критериуми за избор на демонстратори во учебната 2024/25 година донесени од Наставно научниот совет на Факултетот за информатички науки и компјутерско инженерство и тоа:

1. Демонстратор може да биде лице кое е студент на втор или трет циклус студии од соодветна област (Области од  наставно научните подрачја  110 ОЕЦД - информатика  и/или 212 ОЕЦД компјутерска техника и информатика)
2. За демонстратор може да биде избран студент кој ги има завршено студиите од прв циклус студии по ЕКТС со освоено 240 ЕКТС кредити на соодветна студиска програма со просечна оценка од најмалку 8,5

Како критериум за избор се земат:

• учество од 47,5% на просекот на завршени додипломски студии
• учество од 47,5% на просекот од задолжителните предмети на студиската програма на која студирал кандидатот на додипломските студии
• 5 % од интервју (оценка на афинитети од областите кои ги покрива)

• Предност имаат кандидатите кои завршиле студии на повисоко рангирани универзитети. (се пресметува тежински фактор односно коефициент според рангот на универзитетот)
• Предност имаат кандидатите кои се внесени во базата за можни демонстратори на Факултетот.

Обем, надоместок и траење на ангажманот

Демонстраторите согласно потребата ќе бидат ангажирани за дежурање и одржување на  аудиториски и лабораториски вежби со максимално оптоварување од 12 часа аудиториски вежби односно 8 аудиториски + 8 лабораториски вежби. (сооднос аудиториски/лабораториски е 1/2). Освен наведеното, сите демонстратори имаат обврска да учествуваат и на други активности (дежурање на испити, промотивни активности и сл.).

За целосен максимален ангажман на демонстраторот му следува надоместок во максимален износ од 36.000,00 денари нето месечно.

Работното време е 40 работни часа во текот на неделата согласно распоред на настава и други дополнителни работни задачи.

Демонстраторите се избираат до завршетокот на учебната 2023/24 година. 

Кандидатите се пријавуваат на линкот најдоцна до 02.10.2023.

Сите кои се заинтересирани да бидат тутори за лабораториски вежби, да се пријават на следната форма најдоцна до 5.10.2023 година.