Ѓорѓи Власен Филипов е роден во 1956 во Кавадарци. Докторирал во 1998 на Универзитет „Св. Кирил и Методиј“ во Скопје, во обласра на техничките науки на тема: „Индустриската сопственост како индикатор на технолошкиот развој“, под менторство на проф. д-р Владимир Дуковски, магистрирал 1985, на Машинскиот факултет на тема „Оптимирање на мали нуклеарни енергетски постројки - опимирање на турбинската постројка“, под менторство на проф. д-р Константин Димитров. Дипломирал 1981 на Машинскиот факултет на тема „Метода на конечни раѕлики за одредување на просторно временска распределба на температурата во горивна прачка на нуклеарен реактор“, кај академик проф. д-р Томе Бошевски. Се усовршувал во областите на петентното инженерство, автоматизација и автоматизирано производство, менаџментот и маркетингот. Во 2008 станал патентен застапник пред Европскиот патентен завод во Минхен, 1998, застапник за индустриска сопственост, додека во 1993, бил на специјализација во областа на развојниот менаџмент на Универзитет за менаџмент во Стирлинг, Велика Британија. 1991 имал студиски престој во областа на менаџментот со пазарно насочени претпријатија, во Карл Дуизбург друштвото во Келн, Германија. Во 1989, заради специјализација во областа на производството на роботи, престојувал во Заводот Вуков во Прешов, Словачка. Во 1988 посетувал специјализиран семинар за применета роботика со практични вежби во Ријека, Хрватска. Во 1985, тој имал тримесечен престој Бон, Германија, заради специјализација во областа на автоматизирано производство, фирма Клекнер Милер Аутомејшн. Филипов течно говори, пишува и чита: Англиски, Германски, Спрски и Хрватски, а се служи и со Бугарски, Руски и Француски (добро чита и разбира, не говори течно, не пишува). Во однос на професионалната кариера д-р Ѓорѓи Филипов е избран 2009 во звање насловен вонреден професор за предмети од областа на Менаџмент во ИТК. Тој е во моментов вонреден и ополномоштен амбасадор на Република Македонија во Виена. Ги обавува должностите на амбасадор на РМ во Словачка (од јануари 2012), Јапонија (од мај 2011), Австрија (октомври 2010). Пред тоа бил претседател на УО на Агенцијата за интелктуална сопственост Берин од Скопје, како и амбасадор на Република Македонија во Берлин, Германија (2005-2010). Во 2008та, тој беше предложен за кандидат на Владата на РМ за местото Генерален директор на Светската организација за интелектуална сопственост, Женева, Швајцарија. До 2004, Филипов предавал на група предмети во областите на Менаџмент во информатичко/комуникациска технологија како и Менаџмент, Менаџмент и Маркетинг, Меѓународен Маркетинг и Менаџмент на индустриската сопственост на Универзитетот „Св. Кирил иМетодиј“, Скопје, Природно- математички факултет и Институтот за социолошки и политичко- правни науки. Од (2002-2004), тој е член на Извршниот комитет на Интернационалната федерација на асоцијациите на пронајдувачи, Женева, Швајцарија, од (2001-2005), претседател на Сојузот на пронајдувачи и автори на технички унапредувања на Македонија. Во периодот од (2000-2001) бил консултант на Владата на Војводството Луксембург на Проект за градба на центар за технолошко набљудување во Македонија. Филипов е основач и претседател на УО на Агенцијата за интелектуална сопственост Берин, Скопје, од 1999 до денес. Во периодот од (1999-2004) тој бил доцент по предметите Маркетинг и Менаџмент на индустриската сопственост на Универзитетот „Св. Кирил и Методиј“, Скопје, Институт за социолошки и политичко - правни науки. Ѓорѓи Филипов е назначен за прв директор на Државниот завод за заштита на индустриската сопственост, во 1993 и на тоа место се задржал до 1999. Пред тоа од (1992-1993), тој бил директор на маркетинг на Раде Кончар – Апаратна техника АД, директор и основач на претпријатието „Берин, Маркетинг, истражување и развој ДОО“ во Скопје. Во периодите од дипломирање до 1992 тој работел на следниве работни места: (1990-1992), Комерцијален директор на ДОО Заварување, сечење и автоматизација, Скопје, (1989-1990), Директор на ДОО Специјални машини и електроника, Раде Кончар АД, Скопје, (1987-1989), Раководител на Одделот за автоматизација во Раде Кончар АД, Скопје, (1983-1987), Развоен инженер – конструктор по автоматика, Раде Кончар Апаратна техника АД, (1981-1983), Машински иншенер технолог во ДОО Контактори, Раде Кончар АД Скопје. Во својата кариера тој членувал илии претседавал со следниве интернационални тела: 2007-, член на Друштвото за Југоисточна Европа, Дуизбург, Германија, 2006-, член на Германското друштво за надворешна политика, Берлин, Германија, 2005-, потпретседател на Германско Македонско здружение, Берлин, Германија, 2004, претседавач на Организациониот одбор на меѓународниот семинар „Праксата на индустриската сопственост во земјите кандидати за членство во Европската унија“, Охрид, Република Македонија, 2002-, член на Централно европската асоцијација за авторски права, Будимпешта, 1994-2004, член на Меѓународното жири на Светската изложба за пронајдоци, индустриски истражувања и иновации, Брисел, Белгија, 1994-2004, делегат на сите Генерални собранија на Светската организација за интелектуална ссопственост во Женева, Швајцарија, 2002-, член на Федерацијата на застапници за интелетуална сопственост, Базел, 2002, претседател на Македонскиот организационен одбор за учество на Светската изложба за пронајдоци во Сеул, Република Кореа, 2001-2002, член на Американската стопанска комора во Македонија, Скопје, Македонија, 2001-2005, претседател на Организациониот одбор на МАКИНОВА, Скопје, Македонија, 2000-2005, член на нтернационалната федерација на асоцијациите на пронајдувачи, Женева, 1997-1999, член -обзервер на Административниот совет на Европската патентна организација, Минхен, Германија, 1998-1999, претседател на Извршниот комитет на Париската унија за индустриска сопственост, Женева, Швајцарија, 2002, претседател на Македонскиот организационен одбор за учество на Светската изложба за пронајдоци во областа на вода за пиење во Казабланка, Мароко, 1997, претседавач на Собранието на Локарнската унија за индустриски дизајн, Женева, 1996, претседавач на Собранието на Ничанската унија за трговски марки, Женева, 1994-2004, делегат на сите Генерални собранија на Светската организација за интелектуална сопственост во Женева, Швајцарија, 1991-1993, член на Одборот за наука на Стопанската комора на Македонија, Скопје, 1987-1991, член на Проектот за југословенска роботизација од Македонија, Белград. Во сцојата работна кариера д-р Ѓорѓи Филипов е наградуван со следниве Позначајни награди и признанија: 2002, IFIA Diploma of Recognition, Seoul, Republic of Korea; 2000, International “Who Is Who of Professionals”, North Carolina, USA; 1998, Knight – Officer of Invention, Brussels, Belgium; 1997, Order of Merit of Belgium - Hispanic King Association, Brussels, Belgium; 1997, Knight of Grace, Order of St. John of Jerusalem, La Valetta, Malta; 1994, European Order of Merit, Brussels, Belgium; 1988, Годишна награда на град Скопје „13ти ноември“, Македонија, 1987, Annual Award of the Federal Yugoslav Chamber of Economy, Belgrade, Yugoslavia. Филипов објавил неколку книги и над 150 труда на македонски, англиски, германски, српски и руски јазик во земјата и странство.
Повеќе податоци на www.gjorgjifilipov.com.

Роден е 1949 во Битола. Дипломирал, магистрирал, и докторирал на Електротехничкиот факултет во Загреб. Бо 1974 година се вработил во Математичкиот Институт со Нумерички Центар во Скопје. На Електротехниќкиот факултет се вработил во 1976 година на Катедрата за кибернетика. До 2000 год. бил избран и реизбран во редовен професор по компјутерски науки. Се усовршувал во странство на повеќе места вклучувајќи фирмата IBM во Германија, на универзитетите Tsukuba и Kanazawa во Јапан, на Универзитетот во Massachusetts во Amherst, САД, и Центарот за информатички технологии во Bonn, Германија. Својот научен напор го насочил кон пионерски достигања во развојот на компјутерските науки: Негови доприноси за почетоците на компјутерските науки во Македонија се:

• 1968: го напишал и одржал првото предавање под наслов Апстрактни Автомати, за кој бил поттикнат од професотот Горги Чупона, труд кој може да се смета за почеток на компјутерските науки во Македонија.
• 1975: раководел со проект за надворешен нарачател, во кој е реализирана база на податоци која опфаќала 150,000 полиња.
• 1978: испорачал на надворешен нарачател производ од ЕТФ, дигитален програматор, со што е променет стереотипот дека ЕТФ треба да изаботува само студии и експертизи. Oвој производ е патентиран.
• 1978: формирал лабораторија за изработка на дигитални контролери и биомедицински уреди
• 1980: истапил на меѓународен саем со свои реализации.
• 1978: иницирал прв симпозиум од областа на компјутерски науки во Македонија.
• 1980: го иницирал првото професионално друштво од областа на компјутерски науки, Друштвото за биокибернетика.
• 1979: бил еден од основачите на Заводот за компјутерска техника и информатика.
• 1979: учествувал во изработката на првиот наставен план за студии по информатика на ЕТФ со што се овозможи проширување на Заводот на повеќе од иницијално двајца членови.
• Основоположник е на областите вештачка интелигенција, роботика, и биоинформатика во Македонија.
• 1981: станува прв член на IEEE од областа на компјутерски науки од Македонија
• 1982: реализирал прв систем со мултипрограмминг и мултитаскинг софтвер
• 1983: го реализирал првиот робот во Македонија
• 1984: добил прв државно финансиран проект од областа на компјутерските науки во Македонија.
• 1985: објавил прв научен труд во IEEE Тransactions од компјутерски науки во Македонија
• 1985: бил гостин-уредник на списание, списанието Automatika.
• 1988: реализирал управување на робот со помош nа сигнали од мозокот, резултат кој е потенцијално најзначајниот од компјутерските науки во Македонија; следното вакво светско остварување е реализирано 11 години подоцна во САД.
• 1990: го реализирал првиот информациски систем на ЕТФ базиран на персонални компјутери, а
• 1993 првиот информацски систем во Македонија базиран на Oracle база податоци, системот за амбуланти на клиничкиот центар.
• 1997: го организирал првиот универзитетски студентски натпревар по информатика.

Од 2001 работи на Департманот за математика и комјутерски науки на Државниот Универзитет на Јужна Каролина во САД, како редовен професор по комјутерски науки. Ангажиран е како експерт на Европската унија. Пионерските стапки, во правец на добивaње финансиран проект, изработка на производ за надвошни нарачател, патентирање, формирање лабораториja, истапување на саем, формирање професионалнo друштвo, објавување во врвнo светскo списаниe, научнo достигањe коe отвара новa насокa во науката, го трасирале патот на компјутерските науки во Македонија.

Роден на 20 ноември 1976 г. во Кавадарци. Основно во ОУ Димката Ангелов Габерот – Кавадарци и средното образование во Природно-матема­тичката гимназија “Добри Даскалов” го завршил како прве­нец во генерацијата, со освоени преку 100 пофалници и награди на градските, региналните и државните натпревари по матема­тика, физика и информатика, како и медали на државните олимпијади по математика. 1995 година учествувал на 37-та Меѓународна олимпијада по математика.

На Електротехничкиот факултет во Скопје, насока компјутерска техника, информатика и автоматика дипломирал во 2000 г. со просечен успех 9.29 каде што секоја година е наградуван меѓу најдобрите студенти во генерацијата. На 11.05.2011 година, на Факултетот за електротехника и информациски технологии, го одбрани својот магистерски труд со наслов “Анализа на безбедноста на веб сервиси и нејзино влијание врз перформансите на веб серверите”.

Во периодот 2000-2008 г. работи во Македонски Телеком АД (МТнет, АД Македонски Телекомуникации) како проект менаџер за софтверски апликации, виш специјалист за ИТ безбедност, прв офицер за безбедност на MTnet CA PKI системот, каде што во 2002 г. е прогласен за работник на годината.

Во периодот од декември 2008 г. до септември 2011 г., работи на Институтот за информатика при ПМФ Скопје како стручен соработник и изведувал вежби по предметите Архитектура на компјутери, Микропроцесори и микроконтролери, Микропроцесори, Компјутерски мрежи, Проектирање компјутерски мрежи, Интернет програмирање, Квалитет на софтвер и тестирање, тимска работа. Инструктор е за CISCO CCNA курсевите на Регионалната CISCO Академија.

Од 2011 година работи на својот докторски труд на тема “Перформанси и безбедност кај пресметување во облак”.

Д-р Игор Трајковски дипломирал на Природно-математичкиот факултет при Универзитетот Св. Кирил и Методиј – Скопје, на Институтот за информатика во 2001г. со висока просечна оценка (9.53). Во 2003 се запишува на магистерски студии на универзитетот во Сарланд, Германија (University of Saarland & Max Planck Institute for Informatics, Saarbrucken, Germany) и во октомври 2004г. се стекнува со титулата Магистер на науки во областа компјутерски науки. Своите студии и научно-истражувачка работа ги продолжува на Институтот Јожеф Штефан во Љубљана, Словенија (Jozef Stefan Institute, Ljubljana, Slovenia) во Одделот за Технологии на знаење, односно на Меѓународната постдипломска школа при истата институција, каде на 14. декември 2007 успешно одбранува докторска теза и се стекнува со академската титула доктор на науки.

Во континуитет од 2001г. па до денес, Д-р Трајковски е професионално ангажиран и тоа на Институт за информатика во Скопје како демонстратор (1999-2001), како научно-истражувачки асистент на Универзитетот во Штутгард, Германија (02/2002 - 09/2003), како специјалист во развој на софтвер во Т-mobile, Скопје (10/2004 - 09/2005), како истражувачки асистент во Институтот Јожеф Штефан, Љубљана (10/2005 - 12/2007), Софтверски инженер во Гугл (05/2007 – 09/2007 и 05/2008 – 09/2008), доцент на Њујорк Универзитетот во Скопје (02/2008 – 11/2009) и доцент на Факултетот за електротехника и информациски технологии (02/2010 - 09/2011). Исто така е креатор и основач на најголемиот македонски агрегаторот за вести Time.mk (07/2008 - денес).

Учесник е на повеќе национални и меѓународни натпревари и олимпијади по програмирање со пласман на светското студентско финале (World final ACM programming contest, Orlando, USA, 2000) и освоени медали (Bronze medal, Balkan Olympiad in Informatics, Cyprus, 1996). Добитник е на стипендии за студии, за талентиари студенти како и награда за најдобар студент на Институтот за Информатика, ПМФ-Скопје.

Научно истражувачката работа на д-р Игор Трајковски е во областите на машинско учење, биоинформатика, анализа на генетски податоци, паралелни алгоритми, пребарување на информации и статистичка обработка на природни јазици. Неговата докторска теза, како и магистерската е од областа на биоинформатика, а резултатите му се објавени во повеќе научни трудови објавени на значајни меѓународни конференции и во научни списанија.

Роден е во 1971 година во Скопје. Во периодот од 1989-1994 год. го завршил Електротехничкиот факултет - Скопје, при Универзитетот “Св. Кирил и Методиј”, на насоката Компјутерска техника, Информатика и Автоматика (КТИА). По дипломирањето, во 1995 година се запишал на постдипломските студии на истиот факултет, при што истите ги завршил во 1998 год и се здобил со називот Магистер по електротехника. Докторирал во 2015 год. на Факултетот за информатички науки и компјутерско инженерство – Скопје, на тема од областа на образование на далечина.

Во текот на својот професионален развој се стекнал со бројни меѓународни сертификати од областа компјутерската техника и информатика од познати светски компании, како што се Cisco и Microsoft, од кои поважни се: Cisco Certified Internetwork Expert, Cisco Certified Networking Professional Security, Cisco Certified Networking Professional Voice, Microsoft Certified Systems Engineer, Microsoft Certified IT Professional: Enterprise Administrator, IPv6 Forum Certified Network Engineer (Gold) и тн.

Во периодот од 1994 до 1999 год. работи во А1 Телевизија во Скопје, како систем инженер, a во 1999 год. се вработува во Народна банка на Република Македонија, каде напредува до самостоен советник во Дирекцијата за информациска технологија. Неговите работни задачи опфаќаат развој и инсталација на комплексни информатички и комуникациски системи, управување со инфраструктурни проекти, како и спроведување на стратегијата на Дирекцијата и стандардите за квалитет во работа. Дополнително, од 2004 год. работи хонорарно како сертифициран предавач за Cisco курсеви во повеќе области, а воедно е и Microsoft сертифициран тренер. Автор и коавтор е на повеќе трудови објавени во меѓународни журнали од областа на информатиката и информатичките технологии и учествувал на повеќе национални и меѓународни конференции.