Ctrl+Halt+AI: Кој ќе притисне Save кога алармите ќе стивнат?

FINKI CSIRT Ве поканува на презентација на проектот SENTAI + Гостинско предавање

• Датум: 21.05.2025
• Време: 10:00 часот
• Локација: Големиот амфитеатар, ФИНКИ

SENTAI: Вештачка интелигенција во служба на сајбер безбедноста

Ќе биде презентиран новиот меѓународен проект SENTAI, кој има за цел развој на интелигентен систем за детекција на упади (IDS) со примена на вештачка интелигенција (AI). Проектот се реализира со поддршка од НАТО преку програмата Science for Peace and Security (SPS).

За проектот SENTAI: https://sentai-project.io/

Гостинско предавање од д-р Тања Павлеска:

Ctrl+Halt+AI: Кој ќе притисне Save кога алармите ќе стивнат?

Опис на предавањето: Вовед во справувањето со сајбер инциденти, како и јазовите кои вештачката интелигенција може и не може да ги премости. Потоа преку пример сценарио би разгледале како може да се користи вештачката интелигенција, па заедно би продискутирале (врз основа на предавањето) каде (сè уште?) не би ѝ верувале.

За предавачот:

Д-р Тања Павлеска е истражувач во Лабораторијата за отворени системи и мрежи при Институтот „Јожеф Стефан“ во Љубљана, Словенија. Таа е експерт за примена на вештачката интелигенција (AI) во сајбер безбедноста, доверливи AI системи, безбедност на критични инфраструктури, разузнавање на сајбер закани и дигитална форензика, дигитални политики и регулаторни рамки.

За повеќе информации: https://mr.ijs.si/en/dr-tanja-pavleska-2/