Clear View BTC заедно со ФИНКИ, Семос Едукација и Cosmic Development во Скопје го носат Startup Grind, заедница за претприемачи поддржана од Google for Entrepreneurs. На овој настан присутните ќе може практично да научат како се прави успешен бизнис или производ, ќе имаат шанса да разговараат со најинспиративните и најуспешни претприемачи од Македонија, ќе можат да научат како да започнат сопствен бизнис и да најдат партнер или инвеститор за реализација на својата идеја.

На настанот ќе говори Иван Ивановски, CEO на Tesseract Interactive, стартап-от кој цели да ја врати возбудата која ја имавте кога прв пат игравте Супер Марио и Пак-ман. Во 2013 година Tesseract Interactive, добија инвестиција од 30 000 долари и менторство од акселераторот во Софија, LaunchHub. Сега работат на нова верзија на играта Excubitor.

По презентацијата на Иван, Гораст Цветковски од GG.mk ќе открие неколку тајни околу атмосферата на гејминг пазарот и GG видео подкастот за гејмингот како центар на универзумот. Интернет телевизија која ќе се труди да ja оформи и повторно издигне на завидно ниво гејминг заедница во Македонија.