Компанијата ТехноЛогика објавува отворен конкурс за работа и ги поканува студентите на ФИНКИ да аплицираат.
ТехноЛогика е водечка регионална софтверска компанија, која од 1990 година развива комплексна дејност во областа на информационите технологии: имплементација на информациони системи, развој на софтвер, консултантски услуги и специјализирани обуки.
Во врска со проширување на дејноста на нивниот тим во Скопје за развој и имплементација на специјализиран систем за управување со човечките ресурси, компанијата има потреба од искусен програмер за работно место: програмер за развој на софтвер за управување со човечки ресурси HERMES.
Основни одговорности:
- Работа во проекти за развој на системот HeRMeS® со користење на .NET, C#, ASP.NET, Win Forms, Oracle PL/SQL;
- Активно барање на можности за иновации и нови функционалности;
- Проектирање и извршување на технички решенија, кои гарантираат усовршување на системот;
- Специфицирање и тестирање на програмските единици и нивната интеграција;
- Изработка на документација за време на фазите на анализа, проектирање и развој според стандарди на животниот циклус на софтверскиот производ;
- Поддршка на системот HeRMeS® при имплементација и потоа.
Услови:
- Искуство со Microsoft .NET Platform, C#, ASP.NET MVC, Web Forms, Web Services, Win Forms;
- Искуство со SQL и релациони бази на податоци;
- Искуство со дијагностицирање и решавање на софтверски проблеми;
- Добро познавање на англиски јазик;
- Аналитичко мислење, прецизност, високо ниво на лична организираност;
- Можност за патување во земјата и странство.
Предност ќе имаат кандидатите со:
- Високо образование во областите: информациони технологии, компјутерски науки;
- Искуство во работа со PL/SQL, Oracle database;
- Искуство во работа со Microsoft TFS;
- Искуство во работа на развој на софтвер во областа на човечките ресурси и пресметка на платите;
Заинтересираните кандидати потребно е да испратат CV и мотивациско писмо со слика на skopje@technologica.com.